منتديات تو زوو - بيض البرهما المخصب ؟

منتديات تو زوو (http://www.2zoo.com/vb/index.php)

- سؤال و جواب لقسم هواة الطيور الداجنة (http://www.2zoo.com/vb/forumdisplay.php?f=100)

- - بيض البرهما المخصب ؟ (http://www.2zoo.com/vb/showthread.php?t=154801)

بيض البرهما المخصب ؟

السلام عليكم ورحمة الله وبركاته

تحياتي لكافة اعضاء المنتدى الرائع

تكفووووون من يعرف احد يبيع بيض برهما ويكون مخصب على الشرط يدلني عليه

والله ما انسى معروفه وياليت يكون معروف بصدقة

علما انني محتاج كمية بسيطة بحكم انني مبتدئ بعملية التفقيس

اكون شاكر ومقدر للجميع حسن التعاون

اخوكم / ابو ايوب الرياض

رد: بيض البرهما المخصب ؟

هلا فيك تبو ايووب

ابشر بسعدك طلبك موجود بس المشكله بالتوصيل من الجوف

دبرها وحنا حاضرين ان شاء الله

تقبل تحياتي

يمكنك التواصل معي على الجوال (0508923667)

...................

..................................

رد: بيض البرهما المخصب ؟

وعليكم السلام ورحمة اللهـ وبركاتهـ .

طيب معليش عندي اقتراح ..

مادام انكـ مبتدى في التفقيس والشغلات هاذي ..

ليش بدل ماتخسر نفسكـ تشتري بيض البراهما وممكن يفقس بس تموت الصيصان لا قدر اللهـ أو تكتشف أشياء أول مرة تعرفها عن الصيصان ؟؟

ليش ماتجرب أول شيء في البيض البلدي ؟؟ لأن سعرة أرخص وأسهل في التعامل وتجرب التقليب وتضبط درجة الحرارة ..

واذا فقست الصيصان تعرف وين تحطها ومتى تأكلها وكيف تعتني بها .

عشان ماتتخسر بشكل معنوي ومادي وممكن تتعقد شوي أو تلوم نفسكـ على موت الصيصان لاسمح اللهـ .

هذا اقتراح مني لكـ .. ممكن تاخذ بهـ أو تتركهـ .. براحتك ,

بس بما انك مبتدئ فحبيت أوضح لكـ وش الأفضل تبدأ بهـ .

أرجوا من اللهـ أن يوفقكـ في مشروعكـ .. تحياتي لكـ .

http://www.2zoo.org/get-4-2010-2zoo_org_6i9smtb6.gif

رد: بيض البرهما المخصب ؟

اقتباس:

المشاركة الأصلية كتبت بواسطة صمت الأمل (المشاركة 1413918)

كلام جميل ومنطقي

جرب في البلدي أولا

رد: بيض البرهما المخصب ؟

نعم اخوي اتعلم بالرخيص وبعدين حول على الاصناف الغاليه

انا مريت بنفس التجربه كلام الاخوان 100%

رد: بيض البرهما المخصب ؟

الله يجزاكم خير على المشورة الطيبة

الحمد لله جربت التفقيس ونجحة اول تجربة تفقيس بنسبة 60 % علما انها اول تجربة والان عمر الصوص
شهر بالضبط

لذلك حبيت اجرب تفقيس البرهما ولو بكمية بسيطة جدا

الله يرضى عليكم من يعرف احد بالرياض يدلني عليه

رد: بيض البرهما المخصب ؟

اخوي ابو نواف الجوف

مكانك بعيد وممكن يفسد البيض لو ارسلته للرياض

اتوقع ذلك لكن اذا عندك حل افدني واكون شاكر ومقدر

لكني افضل القريب من الرياض عشان اختصار للوقت والجهد

رد: بيض البرهما المخصب ؟

شكراً للجميع

وينقل للقسم المخصص

رد: بيض البرهما المخصب ؟

وين الشباب ؟

رد: بيض البرهما المخصب ؟

طيب عندي اقتراح ثاني ..

ممكن انكـ تكتب طلبكـ في قسم الشراء ..

لأن هناكـ ناس أكثر , وممكن يكون عندهم البيض في منطقة قريبهـ منكـ ..

وأنا أرسلت لكـ على الخاص بمكان يبيعون فيهـ البيض بالرياض . وصلتكـ الرسالهـ ؟؟

http://www.2zoo.org/get-4-2010-2zoo_org_ri0g9coh.gif