بيض بدون إنتاج !!!
 

السلام عليكم




أهنئكم أولا بعيد الفطر السعيد وأتمنى لكم الصحة والعافية والخير






إخواني أنا اشتريت لي طيور حب أوبلاين وباضوا واليوم طليت عليهم بس ماكو فروخ بس بيض مع إن مر على البيض أكثر من شهر . شنو السبب ؟

مع إن هم مش زوج واحد بس ، أنا عندي ثلاثة أزواج وكلهم باضو ولكن لا إنتاج ؟

غريـــــــــــــــبـــــــه ! ! ! ! !


مع إني أأكلهم زين وكل خضار وحاطهم في مكان مكيف بعد .

شنو رايكم وشوركم ؟ هل أنتظرهم بعد شوي ؟ أو أبيعهم وآخذ غيرهم ؟ والله شنو عندكم من حل ؟؟؟


تحياتي لكم

رد: بيض بدون إنتاج !!!
 

أخوي الي أعرفه اذا صار البيض مو مخصب احتمال يكون الأجواز كلها إناث

أو الذكور صغيره في العمر

اذا كان صغير بالعمر تقدر تصبر شهرين بالكثير وان شاء الله تتم العملية

رد: بيض بدون إنتاج !!!
 

حطهم في مكان معتدل الجو ..

رد: بيض بدون إنتاج !!!
 

ممكن الي ذكرو الاخوان صحيح ,, وممكن تكون طيورك تعاني من السمنه يعني مشحمة وهذي تعيق عملية الانتاج يعني تبيض الانث بس البيضه مو ملقحة ,, الافضل تكشف على طيورك في منطقة البطن اذا حصلت نقط صفراء تحت الريش فمعناتها ان الطير مشحم بسبب نوعية الاكل الي انت تقدمة له ممكن تكون تقدم له الاكل بكميات كبيرة ومافية توازن في الغذاء ,,

بس حاب اسئلك عن ارضية الفراخة وش حاط لهم ؟
وبالنسبة للمكان المكيف مايصلح لهم غرفة باردة لان البرودة تسبب خراب البيض ,, الافضل لهم مكان معتدل مافيه برودة ولا حرارة ..

اتمنى اكون افدتك ,,

اخوك ابونواف