|
هل تصاب الهامسترات بالجنون!
:D السلام عليكم ورحمة الله.. أولا: حبيت اسلم على الجميع انا عضوه جديده ومعجبه في هذا المنتدى المهتم بالهامسترات لأني ما قررت اشتريه الا بعد اطلاعي على هذا القسم فجزاكم الله خير. ثانيا: هامستري مجنووووووووووووووووون والله:eek: القصه اني شريت ثلاث هامسترات يهبلون طبعا كلهم ذكور (تعرفون مالي خلق لحمل وولاده وتنفيس احد:D ) كان الوضع طبيعي لمدة ثلاث ايام كانو حلوين مع بعض الغلطه الا اتوقع منها جا الجنون لواحد منهم هو اني تركت واحد منهم سميناه (ديرا) مع اخوي الصغير وطبعا اخوي صغير مسكه مسكه قويه شوي (فغصه:eek: ) و ديرا(الهامستر) ماقصر بالعض عاد اخوي ردة فعله قويه شوي رماه بقوه على الارض وضرب راسه في الكنب ( لو اني مكانه كان مت) :( :( بعد الحادثه الاليمه لديرا صار متوحش مجنون مع باقي الهامسترات(سينو,سوشي) دايم يتضارب معهم ويبعدهم عن الاكل .. صراحه انا مرررره ارثي لحالهم ما ادري وش اسوي سويت له طريقة عزل في كرتون قلت ان شالله يعقل بس النتيجه زاد توحشه:eek: :confused: ان شالله القى عندكم الحل.. |
رد: هل تصاب الهامسترات بالجنون!
نسيت اقولكم انه زادت سرعته بشكل جنوني واذا جيت احمله يرفع يد وحده والثانيه
كأن فيها تشنج والا شد عضلي!! ثم يطيح على ظهره يسوي نفسه مغمى عليه <<يمكن اني اتوهم من كثر ما احبه هو الوحيد اللي عليه هالحركات وحبيت اقول ان معاملتي معهم مره لطيفه.. |
رد: هل تصاب الهامسترات بالجنون!
السلام عليكم .. هلا اختي سينو .. اولا مبروك ع الثلاثه والله يعينج ع الي صار مع ثالثهم .. هذا التصرف اختي ما يسمونه جنون .. هذا يسمونه خوف .. لانه صار له شي من ايد انسان انه سقط وانضرب صراحه من حقه انه يصير له هل شي .. فيصير ما يبي احد يمسكه لانه يخاف انه يطيح .. المهم انتي لازم تغيرين تصرفج وياه اذا شفتيه يسوي الحركه الي تقولين عليها حاولي انج ما تشيلينه كلش بس تمي خليه يشم يدج من بعيد ويكون في يدج اكل يكون مفضل عنده مثل الخيار او الخس وايد يحبونه .. لازم طبعا يكون من فتره ما ماكله عشان ياخذه عنج .. انتي اول مره بتشوفينه ياخذه ويشرد ينخش عنج .. عادي لا تهتمين بس في نفس الوقت بيني له انج تحنين عليه بكلام خفيف مافي صراخ او اي حركات مفاجئه .. وتمي كلميه بحنان .. واذا بتجين تعطينه الاكل تأكدي انه يدج مافيها ريحة الهمسترات الثانيه ترى ممكن ينفر منج لهل سبب .. وحاولي اذا كان يعضج انج ما تشيلين يدج ع طول لمن يحاول يعضج لا .. خليه يقرب ويعضج اول ما تحسين بضروسه لامسة صبعج .. بهدوء رجعي صبعج .. لا تنسين ما نبي الحركات المفاجأه .. وحاولي انه لما تسوين اي شي مثلا جالسه تشوفين التلفزون او تذاكرين خليه جنبج بس ما تشوفينه خليه ع راحته يتمشى في قفصه بس من دون ما يكون في ازعاج في المكان الي انتي فيه .. واذا ما عنده قفص انصحج ع طول تشتريله قفص ممكن يشرد عنج اذا كان في كرتونه .. والقفص بيساعد اكثر تعاملج وياه ومعرفته لج .. اممممم اظن هذا الي اقدر اساعدج فيه ع حسب خبرتي مع الهمسترات الي عندي .. واختي ممكن الثنينه الي عندج بعدين يتضاربون وتصير حاله بينهم .. انتي عندج اي نوع من الهمسترات .. وإن شا الله الاخوان والاخوات يساعدونج اكثر مني .. والسموحه .. سلاماتو .. |
رد: هل تصاب الهامسترات بالجنون!
ماشاء الله عليج بسبوسه كلامج واضح ومنطقي...:)
جربي اختي سينو هالكلام وان شاء الله بينفع....;) وانا ماعندي شي اضيفه..:( تحياتي لكن...:) |
رد: هل تصاب الهامسترات بالجنون!
passposse ماشاءالله عليها كلامها كله عدل :)
و هذي فترة و بتروح ان شاء الله بس حاولي تشترينله قفص خاص ووفريله كل شي الهامستر يبيه من أكل و مشرب و ألعاب و خليه نرفه و ابعديه عن الاخرين من الهامسترز . و أعتقد لو تاخذينه للبيطري أفضل لأن ممكن فيه عله تخليه يتشنج و شي ثاني اذا الطيحه صارت على ويهه احتمال في كسر بأسنانه أو واحد منهم حاولي تفحصينه مسكيه شوي شوي و قلبيه و جيكي على أسنانه اللي فوق و تحت - وايد الهامستر يتوتر بعد قص اسنانه او كسرهم -، و الهامستر كائن حساس و يتوتر بسرعه ولكن مع الاهتمام و العناية راح يصير أفضل و يتحسن ان شاء الله :) |
رد: هل تصاب الهامسترات بالجنون!
اهلين اختي بسبوسه اولا الله يبارك فيك و يعطيك العافيه على هالنصايح النافعه ولو اني طبقتها معه قبل بس اللي كنت اخاف منه لما اقرب يدي له بهدوء عشان اعطيه خس او خيار مثلا يتعداه ويروح لأصبعي عشان يعضه!! وأيأس منه واحط الخيار بصحن الأكل.. سويت معاه طريقه انه لما يكون نايم ادخل يدي بهدوء بس ما المسه اخليه يشمها بس واطلعها ..ممكن بهذي الطريقه يحس بأمان..بعد فتره صار يرتاح لي بس اذا جا ينام ويسمح لي اني المسه..بس اذا صحصح ينحاش عني!! اتوقع هذا اللي تقولين عنه: (واذا بتجين تعطينه الاكل تأكدي انه يدج مافيها ريحة الهمسترات الثانيه ترى ممكن ينفر منج لهل سبب ) بصراحه ما انتبهت لهذي الفكره اشكرك اختي:o ________________________________________________ آخر مره انتقم منه الهامستر الثاني(سوشي ) وحبسه في الدور الثاني في القفص يعني اذا جا ينزل (ديرا) من النفق يكون(سوشي ) جالس له بالمرصاد بنص النفق ويمنعه ماينزل:eek: شوفي وشلون واقف له سوشي >>> http://ma7room.com/upload/uploading/so3.jpg وانا ما اقدر اسوي شي الا اني اشيله من الدور الثاني وانزله عشان ياكل!! بالنسبه للقفص اختي عندي قفص بدور ونص .. وهذي صورته.. http://ma7room.com/upload/uploading/so55.jpg والكرتون انا احط الهامسترات فيه اذا جيت انظف القفص وبس.. الكرتون اصلا ماله لزمه الا اذا انشغلت عنهم عشان مايصير لهم شي لاقدر الله والا انا دايم اخليهم يمشون في الغرفه واجلس اناظرهم بس يخافون ويرجعون للقفص بسرعه اما عن نوع الهامستر شكله صيني.. هذا ديرا (المسكين) نايم :( http://ma7room.com/upload/uploading/so.jpg هذا ديرا(البني) وسينو(الهامستر الابيض ) http://ma7room.com/upload/uploading/so2.jpg ان شالله انهم واضحين طيب..هل تختلف معاملة الهامستر على حسب النوع.. بصراحه انا كنت ابي اشتري هامستر روسي قزم لأنه اليف بس ما حصلت الا على الصيني يالله كلهم يجننون بسم الله عليهم:p شكرا بسبوسه مره ثانيه.. اخوي Luis ياهلا فيك يكفي اهتمامك ومرورك شاكره لك:) اختي Withered Rose اهلين فيك اختي اي نعم انا عندي قفص اساسا قبل لا اشتريهم كنت اتصفح هذا القسم باهتمام الله يجزاكم خير وشريت لهم كل شي قفص واكل وايضا هذي الكوره الصغيره اللي تحطين فيها الهامستر عشان يتمشى على كيفه في المكان بدون ما يتأذى<<مذاكره الدرس صح:p بس ماعندك احد مايعطوني وجه الا سينو ياحبيله.. ( ابعديه عن الاخرين من الهامسترز ) ما اقدر ابعده على طوول يوصل لهم مشالله كنه في سباق هههههههههه (اذا الطيحه صارت على ويهه احتمال في كسر بأسنانه) ما أظن << معضوضه البنت :p اساسا انا ما شفت الحادثه _ولله الحمد_ اخوي راحمه ربي مني:D انا سمعت انه حلق على مسافة 4 اقدام هبوطا للارض ثم صدم بالكنب ودخل تحته:eek: عموما شكرا على الافاده والله يعطيك العافيه.. |
رد: هل تصاب الهامسترات بالجنون!
السلام عليكم .. هلا اختي واسمحلي ع التاخير .. امممممم انت ذكرتي انه >>>>> بس اللي كنت اخاف منه لما اقرب يدي له بهدوء عشان اعطيه خس او خيار مثلا يتعداه ويروح لأصبعي عشان يعضه!! <<< هذا شي طبيعي لانه بعده ما اخذ ع المكان الي هو فيه كم فتره الحين صاروا لهم وياج اختي .. لانه لين ما يتعود للمكان ويتعود انج ما تخافيين منه او من عضته بيصير عادي عنده ممكن بتشوفين انه بعدين طبعا لمن يتألف وياج انه بيحاول يبعدج عنه او يحاول يعضج انتي لا تخافين نفس ما قلت لج سابقا .. بس خلي عمرج عادي وخليه يحاول يعض ما بيصير يعض اصلا بس يخوفج يشوف درجت خوفج منه .. وع انه يترك الخس ويسير ناحية ايدج ع طول عادي خليه بس شوي ارفعي صبعج عنه وارجعي حطي في ويهه الخس .. وعن موضوع انه احد الهمسترات مايخلي الثاني انه ينزل اختي حاولي انج توفرين له بعد فوق الماي والاكل افضل الغاليه .. وانا من الي لاحضته اذا كانوا ذكرين في مكان واحد فهم يسوون مثل مكان خاص فيهم فيصير بينهم نوع من الخناقه يعني مضاربه فممكن لو كان في اناث ممكن تكون الامور عاديه انهم يعيشون ويا بعض .. بس اقولج انج تراقبينهم ممكن تصير ضرابه شديده بيهم فتحملي لانه صار وياي نفس الشي .. وصراحه همستراتج روعه وحلووين يتربون في عزج اختي وما شا الله عليهم شكلهم نضيف وبصحه زينه .. وعن معلومات عن الصيني عن نوعهم اتمنى احد غيري يساعدج .. وان شا الله الامور تتحسن بينج وبين الي يعضج .. بس انتي كوني صبوره وياهم .. السموحه منج ع التطويل وباالتوفيق الغاليه .. سلاماتو .. |
رد: هل تصاب الهامسترات بالجنون!
هلا فيك اختي الغاليه والله مرورك مره اخرى على الموضوع اسعدني الله يعطيك العافيه:o .. ( وانا من الي لاحضته اذا كانوا ذكرين في مكان واحد فهم يسوون مثل مكان خاص فيهم فيصير بينهم نوع من الخناقه يعني مضاربه فممكن لو كان في اناث ممكن تكون الامور عاديه ) يعني قصدك البقاء للأقوى:( يالله اجل اتحمل خطأي لو اني جبت اناث كان عاشوا بسلام:o ان شالله اعوضها المره الجايه اذا شريت غيرهم.. (وان شا الله الامور تتحسن بينج وبين الي يعضج .. بس انتي كوني صبوره وياهم ..) آآآآآآمين يارب الله يسمع منج:) بحاول اطبق كلامك ونصايحك غاليتي خطوه بخطوه.. وجزاك الله خير .. كل عام وانتي بخير والله يبلغك شهر رمضان صياما قياما.. دمتي بود:) |
رد: هل تصاب الهامسترات بالجنون!
خوش قفص
مشكورين شباب عالمساعده |
رد: هل تصاب الهامسترات بالجنون!
اخوي قطو كويتي
شاكره لك مرورك :) |
| جميع الأوقات بتوقيت GMT +3. الساعة الآن 08:55 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو