|
عاجبني
السلام عليكم يا اعضاء المنتدى المحترمين انا صراحه من محبين الكاسكو الرمادي بس شفت هالصوره وعجبتني حيل والله الظاهر اني ابي اغير للامزونيات شوفو الصوره وعطوني رايكم صراحه حرام اقص جناحه حتى لو للتدريب بس ياريت يكون عندي وفي استفسار بسيط هذا اي نوع من الامزونيات ويعتبر اي درجه اللي اعرفه اليلو ناب هو الاول هذا شنو ترتيبه ومشكووووووووووورين |
رد: عاجبني
ما شاء الله من جد شي رائع
لكن برضه يبقى الكاسكو له نكهه خااااصه يفيدوك خبراء الامزون |
رد: عاجبني
يعطيك العافيه ياريان
انا ماقلت بتخلى عن الكاسكو اصلا الكاسكو هو اللي يصلحلي من جميع النواحي بس الامزوني حلو مانبي نظلم حقه بعد وانا من الاسباب اللي تخليني ما اشتريه يقولون فيه ازعاج قوي بس صرااااااااااحه حلو |
رد: عاجبني
اهلين أخوي ..
الصورة مو مبينه رأس الطائر وهو المهم في الامزونيات لمعرفة نوعه لاكن أذا كان أصفر الرأس كله مثل ماأنا شايف فهو دبل يلو هد وهو النوع الثاني من الامزونيات وهو طائر يستحق التربيه جميل في الشكل والصفات .. ولاكن الدبل يلو هد أيضاً له درجات .. لاكن أنا ملاحظ أنك تقول مزعج بالعكس أنا أحس أن الامزونيات من أهدأ الببغاوات وكلامي من واقع تجربه لأني جربت كذا ببغاء من الكاسكو وكانو مزعجين تصفيرهم والطقطقه عاليه النبره وأذا كان يجعر لا يطاق وكذالك المكاو والكوكاتو لهم صراخ مزعج لايحتمل وأنا مجرب عندي واحد كل يوم أقول ببيعه وبعدين أرحمه وأبطل .. لاكن الامزوني مختلف تماماً جربت فصيلتين منه وكلهم كانو هادين نبرة الصوت هادئه ولا فيه أصوات مزعجه وخصوصاً أذا أنت دربتهم وأذا أصدرو أصوات تكون مفيده كلام و تقليد للاصوات هادىء وبس .. وأنا عندي أمزوني يتكلم لاكن عمري ماسمعت منه أزعاج وصراخ مثل بقية الببغاوات .. |
رد: عاجبني
اخي الكريم هذا من النوع الدبل يلو هيد
والامازون له نكهه خاصة |
رد: عاجبني
مثل آخوي كآجَو الصَورٍة غيَرٍ وآضٌحة ..؟ وإْعَتقَد انه النَوع الثآني .. لان الاول لون الخضآر فيه واضح |
رد: عاجبني
الله يعطيكم العافيه
ماقصرتو والله بس توني ادري انه كل فصيله لها درجات بعد انا قريت المواضيع المثبته بس للاسف اكثرها قديمه وماتطلع الصور ومشكورين وماقصرتو:) |
رد: عاجبني
هذا كاسكو مصبوغ ههههههههه
|
رد: عاجبني
من رمان الامزوني جميل في الالوان...
لكن يبقى الكاسكو هو الاسطورة... |
رد: عاجبني
ما قصر اخوي كاجوو
هذا دبل يلو هيد وفعلا يا قمر مافيه ازعاج مثل ما انت متخيل اذا اهملت ببغائك الأمازوني أو حسسته بعدم الأمان بتلاقي انه فعلاً أصبح مزعج,,, لكن بالحد الأدنى من الرعاية ما بتشوف منه إلا كل خير,,, تحياتي |
| جميع الأوقات بتوقيت GMT +3. الساعة الآن 11:54 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو