أرجو الانقاذ يا مشرفينا الكرام
 

السلام عليكم ورحمة الله وبركاته

انا عندي مشكله معا الكاسكو اللي عندي (لوزوه) هاي اسمها
الصراحه انا عطيتها امس خوخ بس مب اول مره هاي ثاني مره بس هالمره كان بارد شوي
واليوم اشوف برازها اخضر فاتح ولين (اسهال يعني) والصراحه انا وايد خايف عليها
ومب عارف شسوي وياها انا حطيت لها في الاكل بودره اللي تخلي بطنها يمسك شوي
بس مادري بينفع معاها ولا لاااااااء
هل انتظر عليها شوي ولا اوديها البيطيري على طول
خصوصا ان الجو الحين متغير وخاف ان صادها شي من الجو لاني كل يوم اطلعها شوي برع اول الصبح علشان تتشمس لمدة 10 دقايق
افيدوني وجزاكم الله خير

واسف على الاطاله

اخوكم البرونزي

مشاركة: أرجو الانقاذ يا مشرفينا الكرام
 

السلام عليكم
اخوي يمكن كثرت من الخوخ شوي
بعدين في اسهال يكون في اللون الابيض من البراز بس الاخضر يكون عادي وفي اسهال في الاخضر والابيض اعزكم الله

هذا الي مر علي لان البيطري الي رحلته سالني ان كان في الابيض او الاخضر وعطاني بودره للون الابيض بس كان اسهال خفيف ما يضر والحمدلله

وحتى لو حطيت البودره راجع البيطري وإنشالله خير

ومره وحده اسئله عن اشياء تعطيها للببغاء تقيه الاسهال وغيرها مثل التطعيم راح ايفدك انشالله وهي بودره تنحط في الماي ضد الامراض الله يكفينا شرها وهي مثل الكورس لمده 5 او 4 ايام (الوقاية خير من العلاج ) انا استخدمها لأي ببغاء جديد اجيبه او اذا قرب الشتاء وانشالله خير

لأن الاعضاء راح يفيدونك ولاكن اشراف الدكتور لابد منه لان هو راح يحكم بالفحص والكلام والشرح مايكفي وتلاحق عمرك لاتتكيسل

مشاركة: أرجو الانقاذ يا مشرفينا الكرام
 

السلام عليكم ورحمة الله
يمكن كثرمن اكل الخوخ ويكون اسهال عادي اهم شي لاحظ الطير لو قل نشاطه وبدا ينفش ريشه وينزوي فالقفص معناه انه لاسمح الله مريض ويحتاج ضروري توديه البيطري اما ان كان كل شي عادي لاتعطيه هالنوع من الفاكه ولو توقف الفواكه كلها كم يوم بس تشوف لين مايصير بخير لنه كثرتها تسبب الاسهال
بنسه لي انا اعطي الطيور لي عندي اكثر شي فواكه مجففه وهيه مفيده وايد.. اشتريها من الكارفور فقسم المكسرات وتتكون من جوز الهند مبشور ومعكبات الببا يا ومعكبات الانانس وعنب مجفف اخلط الفواكه مع الحبوب اتمنى لو اي واحد جرب هالطريقه يقول
وشكرا ^_^

مشاركة: أرجو الانقاذ يا مشرفينا الكرام
 

انصحك خذها للبيطري بسرعه ولا تتردد عن تفقدها بعد لا قدر الله

مشاركة: أرجو الانقاذ يا مشرفينا الكرام
 

مشكورين على الردود يا جماعه
بس في سؤال : لوزه للحين ما تكلمت بس احسها فيها حشرجه في التصفير غير عن قبل
هل ان هاي معناه ان بداية الكلام؟؟
واذا كان صحيح كم يوم يبيلها علشان تنطق اول كلمه؟؟
وتحياتي للمشرفين واصحاب الردود جميعا

اخوكم البرونزي