|
دخلت عالم البادجي ساعدوني
السلام عليكم
اليوم اشتريت زوج بادجي استرالي وابغى اعرف كيف صحتهم واي واحد فيهم ذكر وانثى وكم اعمارهم وهل هم جاهزين للإنتاج وابغى نصائح مهمة وهل هم ينامون زي البغبغاء اغطي القفص واطفي النور http://cdn.top4top.co/i_9a072b2cd21.jpg http://cdn.top4top.co/i_9a072b2cd22.jpg http://cdn.top4top.co/i_9a072b2cd23.jpg |
رد: دخلت عالم البادجي ساعدوني
وعليكم السلام
مبروك عليك الزوج والله يباركلك فيهم الصحة العامة جيدة الحمدلله مافي تشحيم أو هزال أو علامات تدل على مرض لكن في نقص فيتامينات ومافي تنويع وجبات ودا واضح من لون الريش الباهت بس مومشكلة الحل بسيط إن شاءالله أول شيء تشتري عظمة الحبار متوفرة في محلات الحيوانات الله يكرمك وتعلقها في القفص ودي ضرورية لتقوية عظام الطيور وكمان تساعد الأنثى في تكوين قشرة البيض مستقبلاً إن شاءالله تاني شيء الفيتامين عندك مصدرين المصدر الأول عندك فيه خيارين الخيار الأول تشتري الفيتامين الخاص بالبادجي الخيار التاني تشتري الفيتامين الخاص بالأطفال اسمو بيبي فيت موجود في الصيدليات البشرية تشوف المتوفر عندك وتستخدمو والإستخدام يكون للفيتامين الخاص بالبادجي 5 نقط في المشربية يومياً لمدة إسبوع بعدين راحة إسبوع وهكدا أما الخاص بالأطفال 2 سم بالسرنجة في المشربية مرا لمرتين في الإسبوع المصدر التاني للفيتامينات طبعاً الخضار والفواكة وتكون مرتين فقط في الإسبوع كترتها تسبب إسهال وقبل ماتقدمها لطيورك تغسلها مرا كويس وتنشفها ولوفي قشرة أو بدور تشيلها زي الجرجير والخس والفلفل الرومي والجزر المبشور والخوخ وغيرها أما الوجبات عندك البيض بالبقسماط البيض يكون مسلوق لمدة 20 دقيقة بعدها تقشرو وتشيل جزء من الصفار لأنو كترتو تسوي تشحيم في الطيور تبشر البيض بالمبشره الصغيرة أو فيك تهرسو بظهر شوكة وترش عليه ملعقتين بقسماط قبل دي الوجبة تجوع طيورك 4 ساعات وتقدمو لهم وترفع الوجبة بنهاية اليوم أما لو الجو حار ترفعو قبل عشان يفسد عندك كمان وجبة القمح المنقوع أو الرز المسلوق مع بطاطس أو جزر مسلوق وتهرس ودي وجبات تكون مقسمه على مدى الإسبوع دا بخصوص الأكل عندك وصفات تزيد من مناعة الطيور وتكون مرا في الشهر زي خلطة التوم والليمون أو خلطة الزنجبيل والعسل تزيد مناعتهم وتحسن من عمل الجهاز الهضمي نيجي للريش فيك تستخدم مرشه على حسب مرشتك حقولك كمية خل التفاح وطبعاً مخفف في موية فوائد خل التفاح يخلي الريش زاهي ويطرد الحشرات مع تعريض الطيور لأشعة شمس غير مباشرة والإهتمام بنظافة الطيور والترويش يكون في الصيف أما الشتاء لا وطبعاً نظافة القفص ومحتوياتو من مشربيات ومأكليات ومجاثم وتكون خشب عشان تساعد في برد منقار وأظافر الطيور لتنظيف القفص والمحتويات فيري وديتول فقط وتنشف الحاجات عشان ماتسوي رطوبة وفطريات للطيور نيجي لباقي الأسئلة عندك الصورة التانية أنثى والصورة التالتة دكر صغار في السن وغير جاهزين للتزاوج الجهوزية تكون بتحول لون كير الدكر للأزرق الزاهي والأنثى للبني للبادجي العادي بس يجهزوا إن شاءالله حنتكلم عن نصائح قبل العش وبالنسبة للنوم 12 ساعة ضوء شمس أو إضاءة قوية وبعدين تقفل النور عشان يناموا ويرتاحوا وعشان ماتلخبط عليهم الوقت لأنو أكتر من كدا حترهقهم وكمان عشان تكون ماشي مع نظام الطبيعة |
رد: دخلت عالم البادجي ساعدوني
شكرا الله يسعدك
ع المعلومات الجميلة اشكرك بس تحديدا م تعرفي كم اعمارهم وكم باقيلهم ع الانتاج هل ارش عليهم ماء ب بخاخ مع خل التفاح او لا |
رد: دخلت عالم البادجي ساعدوني
السلام عليكم
ماسويت غير واجبي الله يسعدك بخصوص الإنتاج بدري لسه يفضل تكون الطيور بعمر 8 شهور ومافوق وقبل دا الوقت إنته حتعرض طيورك للخطر دا شيء وشيء تاني غالباً حتحصل على بيض غير مخصب مبدئياً أقدر عمرهم مابين 3-5 شهور بس ممكن ترفع صور أوضح لحدقة العين لأنها من الطرق اللي تساعد في تحديد عمر الطيور بخصوص خل التفاح زي ماقولتلك حسب حجم مرشتك لوعندك مرشه ممكن تصورها عشان أقولك على كمية خل التفاح المناسبة لأنو حجم المرشات متفاوت بين صغير وكبير وبدون ماعرف مقاسها ماحقدر أحدد مقدار الخل المناسب ممكن لوصغيرة يطلع مقداري عليها مركز أو كبيرة ويطلع المقدار خفيف مرا |
رد: دخلت عالم البادجي ساعدوني
طيب في واحد شافهم بيقول الجوز ذبلان وانا صراحة أشوفهم هاجدين م يصفروا الا اذا كنت جنبهم
والأنثى في شي لاصق من ورى من مكان م تخرج الفضلات وانت بكرامه بس تعضو |
رد: دخلت عالم البادجي ساعدوني
وتوقف ع رجل وحده
|
رد: دخلت عالم البادجي ساعدوني
السلام عليكم
طيور البادجي معروفة بتغريدها وصوتها الحاد وحركتها ولو كانت عكس كدا يعني في سببين يا جديدة لسه تتعرف عالمكان أو مريضة طيب الشيء اللاصق فضلات ؟ لوفضلات الأنثى لازم تعزلها يكون فيها إسهال وتأكد من الدكر لو فيه فضلات أو لا وممكن توصف لون الفضلات وشكلها عشان لو إسهال تبدأ علاج فوراً |
رد: دخلت عالم البادجي ساعدوني
|
رد: دخلت عالم البادجي ساعدوني
السلام عليكم
الحمدلله الدكر موملاحظة عليه شيء يدل على إسهال بس واضح عليه بردان دفيه الأنثى فيها إسهال ومن فترة أول شيء تعزلها لوحدها لأنو الإسهال معدي وتنظف القفص والمحتويات بالفيري والديتول وتجففو كويس ماينفع الفضلات تبقى عشان المرض حينتشر والحالة ماحتتحسن حتوقف ترويش وخضار وفواكة تزيد الإسهال حتمسك الأنثى وتتخلص من الفضلات دي المتجمعه وعلى مهلك تمسح المخرج الله يكرمك بقطنه منديه بموية دافية وبعدين تنشف المكان كويس لا تبرد تحطها في مكان دااااااافي وتغطي جوانب القفص البرد سبب من أسباب الإسهال ويزيد الإسهال المشربية ترفعها ماتخليها في القفص بس تحطها تشرب وترفعها عندك كم خيار يا تستخدم خلطة التوم والليمون وهنا تحصل الطريقة http://www.2zoo.com/vb/showthread.ph...#ixzz1jVquaNss وحتحط للدكر من خلطة التوم والليمون عشان الوقاية أو فيك تستخدم الأدوية تشوف المتوفر وتستخدمو وهدا الموضوع حيساعدك في معرفة أسماء الأدوية وجرعات الأدوية ومدتها http://www.2zoo.com/vb/showthread.php?t=146253 وبالشفاء يارب |
رد: دخلت عالم البادجي ساعدوني
ما شاء الله الطيور جميلة تتهنى فيهم خليتني افكر اجيب لي عصفورين زيهم ما شاء الله و الصراحة الاخت Besa كفت ووفت يعطيها العافية :) تحياتي |
| جميع الأوقات بتوقيت GMT +3. الساعة الآن 05:24 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو