|
الــــدرس الثانـــي ( تمــــرير جـــزء من الصورة ) مــدعــم بالصور
بــــسم الله الرحــــمن الرحــــيم الســـــلام عليـــكم ورحمـــة الله وبركـــــاته ... الــــدرس الثانــــي ... ( تمــــرير جـــزء من الصورة ) الصـــــــورة قــــبل تنفيــــــذ الدرس .. النتـــيجة النهـــائية بعـــد تنفيـــذ الــدرس .. الخــطــــــــــــــــوات .. نفتــــــــح بــــــــرنامج الفـــــــــوتوشوب .. من قائمة ابـــدء --> Photoshop CS4 .. نختــــــــار .. Open <------- File بالعربي ملف -----> فتح مثـــــــــل مالصــورة موضحة .. نختار الصورة لي نبي نطبق عليها الدرس بعد ماخترنا الصورة وظهرت لنا في مساحة العمل .. نروح عند قائمة Image نختار منها .. Image size عشان نعرف مقاس الصورة الي اخترنا نشتغل عليها ظهرت لنا النافذه فيها مقاس الصورة .. هني الصورة لي انا اخترتها .. الـ width ( العرض ) مالها = 260 والـ height ( الارتفاع )مالها = 194 خلاص احين عرفنا عرض وارتفاع الصورة لي بنشتغل عليها .. احين خلاص مانغير شي , نضغط ( × ) او ( OK ) عشان نطلع من النافذة . هني نروح نختار من قائمة New < ----- File احين ظهرت لنا نافذة New لاحظوا بنخلي الـ width ( العرض ) = قيمة اصغر من قيمة الصورة الاساسية لي اخترنا نشتغل عليها يعني انا الصورة الي اخترت اشتغل عليه .. كان عرضها 260 مثل ما شفتوا احين اقلل العرض انا هني خليتها 100 والـ height ( الارتفاع ) = نفس ارتفاع الصورة الاصلية يعني الارتفاع مال الصورة لي انا اشتغل عليها = 194 وهم احين اخليه 194 نضغط ( OK ) احين ظهرت لنا مساحة العمل اليديدة لي تو اخترنا طولها وارتفاعها .. احين مثل مانتو شايفين الصورة ذي تبين لنا .. مال مساحة العمل اليديدة ومال الصورة الاصلية .. احين بنحط السهم على مال الصورة الاصلية وبنضغط على السهم وبنسحب الصورة . احين عقب ما سحبنا الصورة بالسهم صارت جذيه .. احين بنحط السهم على الصورة وبنضغطه وبنسحب الصورة الى مساحة العمل مثل مالصورة موضحة .. نروح لقائمة Animation <--- Windows مثل مانتو شايفين ظهر لنا شريط الـAnimation تحت .. ولاحظو فيه فريم ( Frame ) واحد يحتوي على الصورة الي سحبناها في مساحة العمل .. بنضغط على الشكل الموضح بالصورة لي اهوا عبارة عن اضافة Frame يديد احين اضاف لنا فريم يديد ولاحظو صاير الفريم الاول والثاني نفس الصورة نحدد الفريم الثاني ونحرك الصورة الى الاخر .. بمعنى انه الفريم الاول الجزء الظاهر من الصورة = بداية الصورة الاصلية من اليسار والفريم الثاني الجزء الظاهر من الصورة = نهاية الصورة الاصلية من اليسار احين نضغط على الشكل لي موضح بالصورة والي اهوا عبارة عن زر الـ (tween) توين طلعت لنا النافذة مال التوين .. فايدة التوين انه بيضيف لنا فريمات بين الفريمين الي عندنا .. فالشكل الي انا محددته .. نختار منه جم نبي فريم ينضاف بين الفريمين لي عندنا .. انا هني اخترت 12 فريم .. ابيهم ينضافون يعني صار مجموع الفريمات كلها 14 .. 2 الاساسيين و12 الي ضافهم . هالصورة توضح لنا شريط الـ Animation عقب ما اضاف الـ 12 فريمز . احين عندنا حالتين .. - اذا نبي نخلي وقت الانتقال بين الفريمات نفسه .. نطبق ذي الخطوة - اما اذا نبي وقت الانتقال بين الفريمات يختلف من فريم الى اخر .. ما نحتاج نطبق هالخطوة .. الخطوة هني حددنا الفريمات كلها .. بالضغط على CTRL ونضغط الفريمات بالدور لين ما نحددهم كلهم .. او نسوي هالطريجة اسهل نحدد فريم واحد ونروح عند الشكل المحدد بالصورة ونضغط عليه بعدين نختار select all frames طبعا خطوة تحديد الفريمات نسويها بس اذا نبي المدة الزمنية للانتقال بين الفريمات نفسها احين نضغط مثل مانتو شايفين ونحدد المدة الزمنية للانتقال بين الفريمات .. طبعا لو نبي مدة زمنية مختلفة لكل فريم بنحدد كل فريم بروحه وبنختارله المدة الزمنية الي نبيها انا اخترت المدة الزمنية لهم كلهم 2. وطبعا لاني حددتهم كلهم فما احتجت اغير المدة الزمنية لكل واحد بروحه .. غيرته لفريم واحد وتغيرت لهم كلهم .. هني كم مرة تبون الانتقال بين الفريمات يتكرر .. تحددون والافضل طبعا اهوا Forever يعني تصير تتكرر الى مالا نهاية . احين تضغطون على هالزر لي بالصورة عشان تشوفون النتيجة .. وهني تحفظون الصورة من ..save for web and devices <-- File تـــــــــــــم بحـــــــــــمدالله المـــــــــوضــــــــوع من مجهـــــــودي الشخصي ..و اي ســـــــــــؤال انا حاضـــــــرة فـــــــلا تنسوني من صالح دعــــائكم . اختـــــكم في الله : الهـــــــــام |
رد: الــــدرس الثانـــي ( تمــــرير جـــزء من الصورة ) مــدعــم بالصور
جهد تستحقين الشكر عليه طرح مميز وتوصيل واضحه ودرس طيب واستفاده ماشاء الله 5 نجوم وختم التميز لهذا المجهود ابوخليفة |
رد: الــــدرس الثانـــي ( تمــــرير جـــزء من الصورة ) مــدعــم بالصور
وعليكم السلام ورحمة اللهـ وبركاتهـ . ألف ألف شكر لكـ أخي الهام . الدرس جدا رائع والشرح بصراحهـ لايعلى عليهـ .:88: أتوقع لو شفت شرح هالدرس عند شخص آخر ما أفهم لهـ كثير أو أتعب جدا في التطبيق .:p لكن ما أقول الا اللهـ يجزاكـ ألف خيييييييييير . الصورهـ الأصليهـ : http://www.2zoo.org/get-4-2011-2zoo_org_axdsg5nu.jpg بعد التطبيق : http://www.2zoo.org/get-4-2011-2zoo_org_urxrhgd2.gif ياللهـ يا أعضاء نبي نشوف تطبيقكم للدرس .:freind: |
رد: الــــدرس الثانـــي ( تمــــرير جـــزء من الصورة ) مــدعــم بالصور
اقتباس:
تسلم بوخليــــــفة ربـــــــي يعطيك العافية على المتابعة المستمرة لجميع الاقسام .. + مشكــــــور عـ الختم والتقييم ماقصرت |
رد: الــــدرس الثانـــي ( تمــــرير جـــزء من الصورة ) مــدعــم بالصور
اقتباس:
ماشاء الله عليـــج اختي صمــت تطبـــــــيق اكثـــــــر من رائــــــــع موفقة حبيبتي .. وناطرين باجي الاعضاء |
رد: الــــدرس الثانـــي ( تمــــرير جـــزء من الصورة ) مــدعــم بالصور
والله درس مره حلو
وهذا تطبيقي .. : ) قبل http://www.2zoo.org/get-4-2011-2zoo_org_e1u3bsue.jpg بعد http://www.2zoo.org/get-4-2011-2zoo_org_6zka87f0.gif .. تحياتي .. :rolleyes: |
رد: الــــدرس الثانـــي ( تمــــرير جـــزء من الصورة ) مــدعــم بالصور
إلهام انتي دكتورة فوتوشوب
http://www.2zoo.org/get-4-2011-2zoo_org_dgg4ders.jpg http://www.2zoo.org/get-4-2011-2zoo_org_kjv0n56i.gif CS4 نفس CS5 يمكن فيه فرق بسيط جدا بارك الله فيك |
رد: الــــدرس الثانـــي ( تمــــرير جـــزء من الصورة ) مــدعــم بالصور
|
رد: الــــدرس الثانـــي ( تمــــرير جـــزء من الصورة ) مــدعــم بالصور
اقتباس:
ماشاء الله تطبيقك رهيب .. موفق اخوي .. |
رد: الــــدرس الثانـــي ( تمــــرير جـــزء من الصورة ) مــدعــم بالصور
اقتباس:
ههه تسلم اخوي .. وان شاء الله اشوفكم كلكم دكاترة في الفوتو على نهاية الدورة ... وتطبيقك اكثر من رائع اقتباس:
ماشاء الله .. شكلك تحمست مع الدرس .. تطبيق جميل موفق اخوي |
| جميع الأوقات بتوقيت GMT +3. الساعة الآن 11:06 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو