منتديات تو زوو - أطعام فروخ الكروان (الكوكاتيل)

اقتباس:

المشاركة الأصلية كتبت بواسطة sdda7 (المشاركة 1004915)

ما قصرت يا غالي يعطيك العافيه والله يجعله بميزان حسناتك
ابي انبهك لنقطه لانك تهمني ويهموني الاعضاء وطيورهم
انت خصصت ان السريلاك الغذاء الاساسي هذا الكلام في الموضوع
بس انا اخاف على الكثيرين اللي مالهم سابق تربيه للفراخ انه يعتمد
على تاكيل الفراخ السريلاك لانه فيه ناس كثير تنصح بالسريلاك وانا اقدر اثبتلك ان السريلاك لحاله غير متوازن ليكفي احتياج الفرخ خصوصا انه مخصص للبشر وهنا اختلاف
وانا ابيك تجرب ربلك فرخ وخل من ضمن وجباته السيريلاك
وربلك واحد ثاني ولا تعطيه سريلاك ابد عطه حبوب وخضار وفواكه
بتشوف ان اللي وكلته سريلاك مع الوقت يصير نحيف مهما كنت مهتم في تغذيته وبتلاحض اللي ما اكل من السريلاك مربرب وصحه ما يحتاج

انا يا اخوي مجرب على الكوكتيل خصوصا ومسبب مرض نصف المجموعه اللي جربت عليها السريلاك
وهذا كلام اكثر من بيطري يعني مهب كلامي كلام دكاتره
خصوصا تاكت يوم عالجت المجموعه المريضه في عيادات خاصه بالطيور
فياليت اخوي توضح للقراء هذي النقطه عشان تبري ذمتك
تقبل مروري

أنا ماربيت لي فرخ كوكاتتيل من قبل
لكن صديقي ربى له فرخ وأكله فقط سيرلاك
وماشاء الله أحين عمره 8 شهور وهو مكتمل
الريش وصحي وغير ضعيف.

لكن أنا معك في هذا الشي يجب ان لايقتصر طعام
الفرخ فقط على السيرلاك بل يجب أن تعطيه
الخضروات والفواكه والبيض ليصبح قوي وصحي.

وشكرا لك للمرور.... :)