أريد قط ولكن؟
 

السلام عليكم جميعا

أمنيتي يكون عندي قطو :D لكن المدام معارضه :64:

تقول القطو وصخ ويطلع ريحه ومادري إيش (تعرفون سوالف الحريم يبون البين نظيف 24 ساعة :D)

قلت لها يا بنت الحلال القطو نظيف وفي أحاديث عن النبي صلى الله عليه وسلم أن القط من متاع
البيت لن يقذر شيئا ولن ينجسه، وأن سؤر القطه طاهر ...

وأن القطو إذا حطيت له صندوق فيه تراب من النوع الزين مثل (كريستال ساند) وكل يوم تعتني فيه
وتشيل الفضلات ما يطلع ريحه أبدا

ومن ناحيط الأمراض فإنها كلها إشاعات وشعر القطة لا يتساقط إذا تم الاعتناء بالأكل ونوعه وشعر
القطة أيضا لا يسبب العقم والقطة بشكل عام لا تسبب العقم ولا تساقط شعر الإنسان إلا إذا كانت
مريضة أصلا وغير مطعمة وغير مهتم بنظافتها وكذا يعني

وأيضا أن القط الأليف لا يهجم على البشر ولا يعض

ممكن توقفون معاي اشوي وتشاركونا في الرأي عل وعسى؟ :D

ومشكورين جميعا

رد: أريد قط ولكن؟
 

كل الكلام الي قلته صحيح وانا موافقه معاك
و امي نفس المدام

رد: أريد قط ولكن؟
 

شكرا أختي على الدعم ننتظر المزيد عشان نشتري القطو إن شاء الله :D

رد: أريد قط ولكن؟
 

كلامك كله سليم - القطط نظيفه هادئة خجوله تقضي ثلثي عمرها بالنوم ومعظم وقتها تلعق فرائها بعيدا عن البشر لذلك فهي غير مزعجه

تردم فضلاتها دونا عن الكلاب وتمقت الاماكن القذرة وتنظف المنزل من الحشرات

طبعا اقدر تخوف بعض الناس من الحيوانات خصوصا لو ماكانت لهم تجربه سابقه معهم

انت ممكن تجيب قط للبيت مؤقت كتجربه والافضل يكون تربيه منزل

انصحك تجيب مابين 4 شهور الى 6 بهذا العمر يكون القط مابين الطفوله المزعجة ومرحله البلوغ الصعبة

فبيسهل عليك التعامل معه وتعلميه كل شي بالبيت ..

رد: أريد قط ولكن؟
 

شكرا على الرد والتوضيح :)

مشكورين على الدعم واللي عنده زياده لا يبخل عشان تترجح كفة محبي القطط :D

رد: أريد قط ولكن؟
 

بو قاسم
ان شاء الله تقتنع المدام وتجيبون قط جد يسوي جو جميل بالبيت وألفه ومرح
انا والدتي كانت كثير معارضه لنفس الاسباب تقريبا لكن قرأت الهه اكثر من موضوع عن نظافة القطط وكيف انها اذا كانت تربية بيت ماتوسخ الا بالليتر بوكس تبعها و اذا كان اكلها نظيف مو اكل شارع وتحممها بشكل منتظم بتكون رائحتهه جميله واقتنعت الحمد لله وهسه صارت تحب قططي اكثر مني تقول انظف من البشر ما شاء الله
^_^
خبرنا شو بيصير معاك واذا زوجة حضرتك اقتنعت ويارب تقتنع

رد: أريد قط ولكن؟
 

العفو اخوي ولووو. بس لازم تهتم بشعر القطوه لا تهون المدام هههه :p

رد: أريد قط ولكن؟
 

أبشركم شريت قطو ذكر الحمد لله عمره شهر و20 يوم

متعلم على الحمام الله يعزكم

وإن شاء الله قريب أنزل موضوع :D

شكرا على تعليقاتكم وشكرا لجميع من شارك

رد: أريد قط ولكن؟
 

مبروووووووك
الله يخليه لك
اهتم فيه و بانتظار الصور

رد: أريد قط ولكن؟
 

مبروووك:12::12::12: