الفزعه ي جماعه واهل الخبره تكفون
 

السلام عليككم ورحمة الله وبركاته اعضاء وزوار والقائمين ع هذا الموقع...


بدخل ب المشكله ي جماعة الخير بدون اي مقدمات

انا شريت كاسكو افريقي العمر تقريباً 12 شهر
ومن يوم شريته صار لي شهر ونص وانا الاحض عليه يتحكحك كثير كثير ازود من الازم انا صراحه ضايقتني هالمشكله كثير عرضته على كم بيطري لاكن بدون اي جدوى اللي يعطيني بخاخ الفاش وقطرات الفاش واخيراً اللي يقول لي حساسيه بسبب الفطريات واعطاني بخاخ اسمه تقريباً نورت باك او حاجه زي كذا بس بدون اي فايده ي الربع وانا بعد الان بديت اتضرر من الحكه هاذي وصرت اتحكحك معاه والله العظيم..

علماً ان ريشه كامل مو طايح فياجماعة الخير اللي يعرف وش الحل او قد مرت عليه نفس هالمشكله يعلمني لاني والله تاذيت انا اللحين من هالحكه والبيت مليان اطفال وممكن يتأذون بعد

فياجماعة الخير اللي عنده الحل لايبخل علي تكفون وماله مني الا الدعاء ان شاء الله واسف على الاطاله

رد: الفزعه ي جماعه واهل الخبره تكفون
 

ولا واحد رد!!

رد: الفزعه ي جماعه واهل الخبره تكفون
 

الجو بارد ولا كان قلت لك روشه
انت احرص دائماً على نظافة القفص
اذا دفي الجو روشه وانا عن نفسي استخدم المره المخلوطه بالماء اضيفها مع الماء في البخاخ وارش الطير
تحضر قطعه صغيره من المره وتباع عند أي عطار خذ ب خمسة ريالات فقط تكفي وخذ قطعه منها
وضعها بقارورة ماء أبو نصف ريال ورجها وخلها فتره كم ساعه وارجع رجها مره ثانيه بيصير عندك مره مركزه
وسأرفق صوره لها
بعدها مثل ما قلت لك اذا دفي الجو وانا ما انصح بترويش الطيور اذا الجو بارد
احضر رشاش ماء (بخاخ يباع بحدود 40 ريال نوع جيد تلقاه بسوق الطيور او بمحلات بيع المبيدات والمشاتل)
ضع قليل من المره والباقي ماء عادي وروش الطير
اسف على الاطاله سأرفق الصور فيما بعد ان شاء الله..

رد: الفزعه ي جماعه واهل الخبره تكفون
 

شف بحكم الجو الحين بارد شف اخوي روشة وبعطيك ألطريقه الصحيح
١- شغل المكيف علئ الحار خله نسبه الحرارة تكون وسط قبل الترويشة اقل شي بنص ساعة.
٢- ترويش نوعين واحد عن طريق المغسلة او الثانية بخاخ رذاذ.
٣- الماء شف ليكون بارد حطه شوي علي الحار يعني يكون دافئ مائل للبرودة شوي وزنها صح اخوي .
٤- شف ان كان عن طريق المغسلة شف جب كاس مويه وعصر فيه ليمونة كامله وزدة ماء خله فوق النص بشوي وبعد أنثر عليه الماء الي هو بل الكاس ومسح علئ ريشه كامل وكرر العملية لين تحسة مرة يتاضيق الطير هنا معنها الخلطة تقريب تحر جلده وتخلية من ثلاث دقايق الئ خمس دقايق وبعدين تشغل الصنبور عليه الي هو المويه بس وافركة فيه ابو دقيقتين الئ ثلاث .
٥- ان كان عن طريق الرشاش غسل العلبة بل المياه ونشفها وبعطدين حط الخلطة الي قلتلك عنا ورشه وفرك فيه لما تخلص الوقت تخلي الطير زي مذكرت لك فوق ، بعدين تنظف العلبة من الخلطة وبعدين تملها مويه ورش فيه لين تحسة متبلل صح لاحظ لازم تبلله بل الموية عقب الخلطة.
٦- تحطه بل الزوية الغرفه زي ماذكرتلك اخوي فوق، لا تحطه بزواية المقابله للمكيف حطه عكس الزواية ، ولا تطلعه الئ لما ينشف مرة وحطه اكل وغير المويه ونظف القفص اهم شي ..

هاذي سال فيه بيطري وينصح فيها

ونت قبل اي خطوة تسويها حاول تبحث عنا ، المنتدئ فيه معلومات مرة جميله ابحث وقرا اخوي



Sent from my iPhone using 2zoo.com mobile app

رد: الفزعه ي جماعه واهل الخبره تكفون
 

هذي المضخات اللي اقصدها
كلها جيده الأولى كبيره وممتازه سعرها بحدود ال70 ريال
صناعه صينيه لكن جيده وضخها جيد وسهلة الاستخدام وتقدر تستخدمها بأشياء كثيره مثل رش الزراعه ..الخ

الثانيه أيضاً جيده وموجوده الان بالأسواق صناعه يابانيه وسعرها بحدود 40 ريال
وضخها قوي

الصوره الثالثه المره وانا اسوي الكميه مركزه شوي واضيف قليل منها مقدار بيالة شاهي والباقي ماء عادي

http://www.2zoo.org/uploads/14549165281.jpg

http://www.2zoo.org/uploads/14549165282.jpg

http://www.2zoo.org/uploads/14549165481.jpg