منتديات تو زوو - شكر خاص للاخ سكر +صور ..

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - شكر خاص للاخ سكر +صور .. (http://www.2zoo.com/vb/showthread.php?t=99194)

Q8 Sailer

21-04-2009 09:58 PM

شكر خاص للاخ سكر +صور ..

السلام عليكم ورحمة الله وبركاته ...

احب اشكر الاخ سكر على مواضيعه المفيده وعلى الطرق الجميله لتعليم الطائر

ومن مواضيعه اللي الحين انا قاعد اطبقها عمليا على الطائر .. موضوع حمل الطائر مثل (الحمامه)

المهم هذي بعض الصور توضح التطبيق العملي بفضل الله ثم الاخ سكر ..

(راح تلاحظون ان الكاسكو ريشه منتف والحين الحمدلله طلع عن قبل وقاعد يطلع يوم عن يوم اكثر واكثر) ..

[IMG]http://up2.m5zn.com/photo/2009/4/21/...xo64b6.jpg/jpg[/IMG]

[IMG]http://up2.m5zn.com/photo/2009/4/21/...vm9ugh.jpg/jpg[/IMG]

[IMG]http://up2.m5zn.com/photo/2009/4/21/...zmnzzt.jpg/jpg[/IMG]

انا وصلت لهالمرحله والى الان ما استطعت اني اوخر القطعه من بين رجليه .. لأني كل ما ابي اوخرها يبي يعض أو بمعنى اخر يعض ... والمشكله احيانا وانا ماسكه في هذي الوضعيه يعضني .. فعلشان جذي امسح على راسه علشان الهيه وما اخليه يعضني .. فهل من نصائح من الاخ سكر لإتمام العمليه بنجاح ؟؟ :D

وشكرا لك يا اخي على هذي التجربه اللي شبه نجحت معي لكن ابي النصائح منك حتى اكملها .. للعلم اني ماجربتها الا 3 مرات على مدار يومين :) ...
وهل وضعية يدي صحيحه أو لأ ؟

بانتظارك ..

وشكرا لك يا اخ سكر مره ثانيه وعسى الله يحفظك ويخليك ويحميك من كل شر :) تستاهل كل خير يا اخي الكريم ..

قطة الأحلام

21-04-2009 10:13 PM

رد: شكر خاص للاخ سكر +صور ..

مبرووووك
وإن شاء الله توصل للنتيجة المطلوبة
مياو:)

سكر	21-04-2009 10:17 PM

رد: شكر خاص للاخ سكر +صور ..

ألف ألف ألف مبروووك على الإنجاز الرائع

وما شاء الله 3 أيام بس ووصلت لهذي النتيجة هذا دليل على إبداعك ربي يوفقك يا قمر

وبصراحة أحرجتني بموضعك,,, وهذا بفضل ربي ثم بفضل إجتهادك الله ييسر أمرك,,,

أخوي عشان تكمل طريقك حاول لما تعمل نفس الحركة اللي في الصورة تعطيه عصا أصغر في فمه

وإذا ما لقيت جرب تعطيه أعواد الأسنان أو أعواد الشوي,,, او حتى مفتاح سيارة,,,

ووقتها بيترك العصا الكبيرة ويمسك في العصا الصغيره,,,

على العموم في كل الأحوال المسألة ييبغالها ((تكرار)),,

ونتايجها تحتاج وقت عشان يستوعب, خصوصا الكاسيكو

اخوي سيلر,,, انت شخص مميز وتحب تساعد الآخرين حتى اللي بينك وبينهم آلاف الكيلو مترات,,,

وحتى المشرفين لاحظو إجتهادك وشكروك في أحد المواضيع على حب المساعدة

وأنا بدوري أقول الله ينور دربك ويوفقك وين ما تروح

ولي عودة

تحياتي يا قمر

Q8 Sailer

21-04-2009 11:03 PM

رد: شكر خاص للاخ سكر +صور ..

اختي قطة الاحلام .. اشكرك على مرورج والله يبارك فيج :)) والله يسمع منج اني اوصل للنتيجه الكامله :) ...
---------

هلا اخوي سكر ..

حبيبي اشكرك على ردك السريع والله يعطيك الف عافيه على الكلام الحلو وبصراحه احرجتني فيه :) ...

وان شاءالله بتبع تعليماتك وبكره باذن الله بجرب بعطيه عصى ثانيه على منقاره أو مفتاح أو أي شيء مثل ماقلت انت .. ولي صور جديد باذن الله ان اكتمل التعليم كامل :) ...

وبالنسبه للعض يا اخي سكر .. ؟ هل هذا شيء طبيعي لأن بيكون شي جديد على الطير فعلشان جذي يعض ؟

واشكرك على ردك السريع على الموضوع وتفاعلك الجميل :) .. والله يعطيك الف عافيه ..

----

ولي ملاحظه اخيره ...

21 مشااهد وماكو ردود الا من الاخت قطه والاخ سكر .. !!

عالعموم هذا الموضوع موجه للاخ سكر وكافي رده وتفاعله .. :)

واللي حاب يتفاعل جزاه الله خير واللي مو حاب يتفاعل همن جزاه الله خير :) ..

واسف على الاطاله ..

بويوسف الميلاني

21-04-2009 11:34 PM

رد: شكر خاص للاخ سكر +صور ..

مع ان الوضوع موجه للأخ سكر....>>>يعني مسكييين هههه

والله ودي اعمله لطيري الكاسكو ....

وانا من اشوف اسمك في موضوع ....اقول في نفسي ( اكيد إبداع جديد)...

وانا ماعرف اجامل..

بارك الله فيك...

وودي ازور الكويت تصدق؟؟

مجنون عويشق

21-04-2009 11:37 PM

رد: شكر خاص للاخ سكر +صور ..

السلام عليكم

ماشاء الله

تطبيق متقن ...وماقصر اخونا سكر ...كفى ووفى ..ويعتبر علم من اعلام المنتدى ...ويستاهل بعض الاهدائات وراح اهديه ان شاء الله في العطله بقدر ما استطيع

شاكر لك وبالتوفيق ان شاء الله

Q8 Sailer

21-04-2009 11:45 PM

رد: شكر خاص للاخ سكر +صور ..

اقتباس:

المشاركة الأصلية كتبت بواسطة بويوسف الميلاني (المشاركة 844519)

هلا اخوي يوسف ...

مشكوور ياخوي على مرورك وعلى تفاعلك .. والله يعطيك العافيه واشكرك على كلامك الجميل :))
وتقدر تعلم طيرك ياخوي .. دام انا قدرت انت تقدر بس يبي لك هدوء اعصاب وضبط المزاج والتركيز وسم بالرحمن وجرب الطريقه .. ممكن بتحصل عضه عضتين .. فعادي تحمل :D

واذا ودك تزور الكويت .. حياك الله ياخوي :) .. بس اذا ماكنت اتدل المناطق والاماكن .. راسلني واصير لك مرشد سياحي :D
====

اقتباس:

المشاركة الأصلية كتبت بواسطة مجنون عويشق (المشاركة 844527)

وعليكم السلام ..

اشكرك ياخوي على ردك وعلى تفاعلك الجميل .. :)
والله يجزاه خير الاخ سكر ما قصر :)) ..

وحياك الله ياخوي والله يوفقك .. :))

سكر	21-04-2009 11:53 PM

رد: شكر خاص للاخ سكر +صور ..

بالنسبة للعض يا قمر,, لان الببغاء في وضع غير مريح,, ومو متعود عليه, يحس انه بيطيح.

عشان كذا يمسك أي شي بمنقاره حتى يوقف.

أتوقع إن هدفه انه يوقف بس وما يبغى يعض.

جرب تعطيه اصبع جزر نحيف, على اساس انه اصبعك, بس خليه ثابت, وبتلاقيه يمسك فيه عشان يطلع ويوقف مثل اول, واذا ما بان أثر المنقار بشكل جارح على الجزر, وقتها اعطيه اصبعك وانت متطمن بس لا تحركه وخليه ثابت.

على العموم يا قمر, بتستغني عن العصا في القريب إن شاء الله إذا واصلت التمرين.

وأهم شي انك تبعد عنه أي شي ممكن يطلع عليه, عشان يتجاوب معاك.

وبإذن الله تحل مشكلة العض هذي...

وترى القفاز في هذا التدريب ينفع اذا كان الطير متعود عليه

وإن شاء الله نشوف تكملة الصور في أقرب وقت,,,

وتسلم والله على الكلام الحلو وهذا والله من طيب أصلك يا غالي,,,

ومجنون عويشق أبغاك تهديني سيارة زي سيارة لوتية اللي عطتها فروخها ههههههههههه

أشكرك يا عويشق على الإطراء اللي ما أستحقه, وعسى ربي يجمعنا كلنا في الفردوس الأعلى,,,

تحياتي

Q8 Sailer

22-04-2009 12:18 AM

رد: شكر خاص للاخ سكر +صور ..

اقتباس:

المشاركة الأصلية كتبت بواسطة سكر (المشاركة 844556)

مشكور يا سكر على الافادات :)) وان شاءالله بجيب صبع مجنون عويشق اجرب فيه :D

والله يسلمك واشكرك على تفاعلك معاي ياحلو :) ...

وان شاءالله ربي يجمعنا في الفردوس الاعلى .. اللهم آمين :) ..

جداااوي

22-04-2009 01:23 AM

رد: شكر خاص للاخ سكر +صور ..

ماشاءالله عليك اخوي
الصراحه سبقتني في هادي الفكره
بس انا اقدر امسكر الطير كأني ما سك حمامه واما يفكر انو يعضني
ان شاء الله احاول انو اسوي هادي الحركه
ومبروك مره تانيه
تقبل مروري

kane_h

22-04-2009 01:29 AM

رد: شكر خاص للاخ سكر +صور ..

والله العضو سكر مبدع وخبره ما شاء الله ويستاهل كل خير

شكرا ع الطرح اخووي

Q8 Sailer

22-04-2009 02:02 AM

رد: شكر خاص للاخ سكر +صور ..

اقتباس:

المشاركة الأصلية كتبت بواسطة جداااوي (المشاركة 844680)

هلا اخوي .. :)

مشكور على مرورك وتفاعلك معانه ... والفضل يعود الى الله ثم الى الاخ سكر ...

:) والله يوفقك مع طيرك ويحفظه لك :) ...

وشكرا على مرورك الجميل .. :))

---------

اقتباس:

المشاركة الأصلية كتبت بواسطة kane_h (المشاركة 844688)

والله العضو سكر مبدع وخبره ما شاء الله ويستاهل كل خير

شكرا ع الطرح اخووي

مشكور اخوي على المرور وحياك الله ..

والاخ سكر يستاهل كل خير على افاداته ومعلوماته لنا والطرق المسليه لتعليم الببغاواة :)

وشكرا لك مره ثانيه :))

لوتيه

22-04-2009 02:52 AM

رد: شكر خاص للاخ سكر +صور ..

:)

الله الله الله يا سيلر جربت الحركه ماشاء الله و ضبطت معاك عقبال ما اجربها مع توتو :)
و شوقر فري يستاهل الشكر الله يحفظه لنا و يخليه سكر المنتدى ....
سكر حاط عينك على السياره ههههههههههههه فالك طيب من صوبك السياره و لي فيها ...
سيلر يالله نرقب الصور ...

Q8 Sailer

22-04-2009 02:43 PM

رد: شكر خاص للاخ سكر +صور ..

اشكرك اختي لوتيه على هذا الاطراء والرد الجميل ..:))

وان شاءالله بيوم ببتدي اعيد له الحركه ...

:D لوتيه تبين تجربين عضته ؟؟ والله امس طلع الدم من ايدي لي درجة ان الدم دمر بنطلوني :D

بس يالله No Pain , No Gain ماكو الم ماكو نتيجه :D أو مردود :>

واسف على الاطاله

هدير الأمواج

22-04-2009 02:58 PM

رد: شكر خاص للاخ سكر +صور ..

ما شاء الله تبارك الله عليك
والله إنك مجتهد
الله يوفقك وينويلك مرادك

7mamah

22-04-2009 04:37 PM

رد: شكر خاص للاخ سكر +صور ..

ما شااء الله

ان شااء الله من تقدم الى تقدم :)

ربي يوفقك

كاسكوكيه

22-04-2009 04:58 PM

رد: شكر خاص للاخ سكر +صور ..

ما شاء الله ^^
ربي يحفظه..

بس سؤالي.. الحين وهوه واقف على العصا.. انته تخليها تميل..؟؟! ولا كيف..؟! لاني هالنقطه الي ما عرفت لها في موضوع اخوي سكر,, و حلو منك انك تراوينا تجربتك و نجاحها ^_^

Q8 Sailer

22-04-2009 09:26 PM

رد: شكر خاص للاخ سكر +صور ..

اشكركم يا اخواني على تفاعلكم ومروركم الطيب والله يجزاكم خيير :))

وانا مو احسن من غيري .. دام انا قدرت اطبق تجربة الاخ سكر .. هواة الببغاواة يقدرون يطبقونها ..
----

بالنسبه للاخت كاسكوكيه ..

تميلين العصا شوي شوي وانتي بتشوفين الكاسكو بيصعد لين فوق .. وميليها الين تصير العصا عموديه وراح تلاحظين ان الكاسكو بيمسك العصا من منقاره .. اهو بس يمسكها من منقاره انتي قلبي العصا كلها رأسا على عقب .. وبعدها بسرعه حطي يدك على ظهر الكاسكو واتركي العصا .. :D

واسف على الاطاله

Q8 Sailer

22-04-2009 10:15 PM

رد: شكر خاص للاخ سكر +صور ..

اخواني تم تطبيق الخطوه الجديده بنجاح وبدون عض بكثره.. :D

قمت عطيته عود عصير وقام ينتف فيها :D وسحبت منه العصا ...

وهذي بعض الصور .. :)

يرجى انتظار تحميل الصور ..

http://up2.m5zn.com/photo/2009/4/22/...x9ltcv.jpg/jpg

http://up2.m5zn.com/photo/2009/4/22/...yj1ajj.jpg/jpg

http://up2.m5zn.com/photo/2009/4/22/...ngkxrt.jpg/jpg

http://up2.m5zn.com/photo/2009/4/22/...9o8ej4.jpg/jpg

http://up2.m5zn.com/photo/2009/4/22/...7ry37b.jpg/jpg

http://up2.m5zn.com/photo/2009/4/22/...dqzfxm.jpg/jpg

http://up2.m5zn.com/photo/2009/4/22/...gk0m5v.jpg/jpg

http://up2.m5zn.com/photo/2009/4/22/...4gr6rs.jpg/jpg

http://up2.m5zn.com/photo/2009/4/22/...j9az51.jpg/jpg

http://up2.m5zn.com/photo/2009/4/22/...pm6mv7.jpg/jpg

http://up2.m5zn.com/photo/2009/4/22/...nb2ol1.jpg/jpg

وأي نصائح اخرى للاخ سكر .. للعلم ان الكاسكو كان يوعان وبعد مارديته لوضعه الطبيعي عطيته شويه اكل ماخليته يشبع وبعيد الحركه مره ثانيه وبعدين بكمل له الاكل .. :D

واسف على الاطاله وبانتظار ردودكم ورد صاحب العلاقه(الاخ سكر) << اهم مافي الموضوع صاحب العلاقه .. :D

سكر	22-04-2009 11:33 PM

رد: شكر خاص للاخ سكر +صور ..

علاقة ملابس ههههههههههه

ما شاء الله تبارك الله والله ما قصرت يا سيلر,,,

يعجبني حماسك الله يحفظك,,,

على طول تطبق ما عندك وقت ههههههه

الله يكون في عونك, ترى الحركة صعبة شوي على الببغاء, أقصد من ناحية الإستيعاب.

يعني لا تتوقع النتائج بسرعة, يبغالك تواصل تدريبك حتى يستوعب ويمكن ياخذ فترة بالأيام ويمكن أسابيع ويمكن شهر,,

لكن لا توقف أبد,,

ربي يوفقك يا غالي وما شاء الله ما ينخاف عليك,,,

أختي كاسكوكية << بعطيك ببغاء سيلر بس احذفي (كاف) واحد من اسمك , والله صعب ههههههه

مثل ما قال اخوي سيلر ميلي العصا,, أو لفيها مثل ما تلفي الطارة حق السيارة,,,

يعني الطير في النص على العصا وانتي ماسكة العصا من الجهتين بأياديك الثنتين,,

وترفعي يد وتنزلي يد بسرعه متزنة,, وتقلبيها عكس,, يصير الببغاء في الأسفل,,

وقتها افلتي يد وحدة وخليها تحت ظهر الببغاء عشان يتطمن, بس بعديها من رقبته عشان ما يلف عليك بمنقاره,

وفي نفس الوقت اتركي العصا يمسكها لوحده , واحملي الببغاء بيدينك الثنتين مع بعض,,,

أتمنى تجربي وترديلنا خبر,,

ويا ليت تصورين اصابعك قبل وبعد عشان نتأكد انها كاملة هههههههههه

تحياتي للجميع الله لا يحرمنا منكم

Q8 Sailer

22-04-2009 11:48 PM

رد: شكر خاص للاخ سكر +صور ..

هلاا اخووي سكر .. اشكرك على اهتمامك في الموضوع :)) ..

ان شاءالله كل يوم أو يومين بسوي فيه هذي الحركه ...

بس عندي استفسار .. بالنسبه لشيلة الحمامه بعد ما يستوعب بيخليني اشيله من دون العصا وله لازم استخدم العصا كما عودته ؟؟

:))

وبالنسبه للاخت كاسكوكيه .. :D الله يعينج على اصابعج ان جربتي الحركه :D انا تدممت اصابعي :)

واسف على الاطاله وشكرا لكم جزيل الشكر :)

سكر	23-04-2009 12:07 AM

رد: شكر خاص للاخ سكر +صور ..

هلا بسيلر القمر,,,

والعفوو يا غالي موضوعك يهمني ويهم الجميع,, بس الوقت يجبرني أحياناً أتأخر,,,

إذا بتواصل تدريبه بإذن الله تستغني عن العصا,,

لكنه الحين لسى ما يحس بالأمان,, التكرار يعلمه يثق فيك , ويعلمه ان الحركة هذي ما تضره ومافي داعي يخاف..

بعدها يصير يتعود ويترك العصا, ويرتاح لما تعمل كذا,, خصوصاً لما تكافئة دائماً

ملاحظة بسيطة: حاول تكون المكافئة صغيرة جداً عشان يطمع في الزيادة ويتلهف عليها,,,

أنتظر الصور القادمة .

تحياتي

لوتيه

24-04-2009 02:39 AM

رد: شكر خاص للاخ سكر +صور ..

ماشاء الله عليك...
علمك سكر الابداع :)
بس ماظن اقدر اسويها :)

سكر	24-04-2009 02:53 AM

رد: شكر خاص للاخ سكر +صور ..

أفاا يا لوتيه,, ليه ما تقدرين؟؟

تري الحركة بسيطة جداً في التطبيق,,,

بعدين لا تقولين ما أقدر إلا إذا جربتي<< هذي نصيحة لك في كل أمور الحياة مو بس هذا الموضوع.

ومن البداية بإمكانك تستغني عن العصا وتستخدمي حبال,,,

شفت عندك يا لوتيه ألعاب مصنوعة من الحبال شكلها دائري عشان يتعلق فيها الببغاء ويلعب,,

فكي حلقة واحدة وخلي أي ببغاء عندك يطلع عليها وبعدين حطي يدك على ظهره واقلبيه بهدوء وببساطه,,,

تحياتي

لوتيه

24-04-2009 03:13 AM

رد: شكر خاص للاخ سكر +صور ..

اقتباس:

المشاركة الأصلية كتبت بواسطة سكر (المشاركة 847539)

أفاا يا لوتيه,, ليه ما تقدرين؟؟

تري الحركة بسيطة جداً في التطبيق,,,
صح بسيطه بس كم عضه و الامور تصير طيبه :D
بعدين لا تقولين ما أقدر إلا إذا جربتي<< هذي نصيحة لك في كل أمور الحياة مو بس هذا الموضوع.
تسلم يا شوقر فري على النصيحه...
بعدين انا احاول اقلب توتو يوم تكون واقفه على ايدي احسها تعصب عليه :pومن البداية بإمكانك تستغني عن العصا وتستخدمي حبال,,,
خلاص بجربها بالحبال لي ان شاء الله ;)
شفت عندك يا لوتيه ألعاب مصنوعة من الحبال شكلها دائري عشان يتعلق فيها الببغاء ويلعب,,

فكي حلقة واحدة وخلي أي ببغاء عندك يطلع عليها وبعدين حطي يدك على ظهره واقلبيه بهدوء وببساطه,,,

تحياتي

:p:D و اذا ضبطت بفكر احط صور :p
يسلموووووووووووووووووو يا سكر المنتدى

الاميره دلوعه

24-04-2009 05:17 AM

رد: شكر خاص للاخ سكر +صور ..

ماشالله

ياريت اخوي تعطيني روابط المواضيع كلها برساله خاصه

علشان اطبقها على كيكو

Q8 Sailer

24-04-2009 03:42 PM

رد: شكر خاص للاخ سكر +صور ..

اهلا اخوي سكر .. مشكووور اخوي على الرد والافادات :D

بالنسبه للاخت لوتيه انا مع الاخ سكر .. انتي ماجربتي ؟ ولاتقولين ماقدر وانتي مو مجربه والدنيا تجارب ومغامرات ..

انتي الحين لما يكون عندج اختبار وقعدتي تدرسين له من الصبح ليين الليل وجا وقت الاختبار واختبرتي وبعدها بيصدمونج انج جايبه العلامه الكامله .. شنو بيكون شعورج ؟؟ :D ان انتي تعبج ماضاع وراح تستانسين وتفتخرين لأنج درستي طول هالمده ..

نفس الشيء للكاسكو جربي وخليه يعضج وخليه وخليه مع الايام اذا انجحت ودربتيه على هذي الشييله .. بتستانسين وبتحسين انج حققتي شي :D

وفي مثل يقول (كنت حاطه على سيارتي خخخ) No Pain , No Gain
يعني اذا ماكو الم ماكو مردود أو محصوول << يعني شيء تحصلينه

واسف على الاطاله ..

واختي دلوعه دشي على قسم هواة الببغاواة بتلقين جميع المواضيع المهمه والمفيده تخص الكاسكو :))

واسف على الاطاله وشكرا لكم لتفاعلكمم :))

naasooh

24-04-2009 05:35 PM

رد: شكر خاص للاخ سكر +صور ..

وانا وصلت الى نفس النتيجه بزمن قياسي وأشكرك
سكر
ويعطيك الله العافيه

سكر	24-04-2009 07:14 PM

رد: شكر خاص للاخ سكر +صور ..

يا هلا ب naasooh والله يعافيك يا قمررر وألف مبرووك على النتيجة,,

ومثل ما قلت لأخونا كويت سيلر, أقولك إنك انت شخص مثابر والنتيجة منطقيه انك توصل للي تبغاه,,

هذا من فضل ربي ثم فضل جهدك,,

أشكرك على مشاركتنا لتجربتك,,

أتمنى لك ولكل الأعضاء الصحة والعافية والسعادة,,

والله يجزاك خير يا سيلر على هذا الموضوع اللي أعطاني أكثر من حقي,,,

تحياتي

Q8 Sailer

24-04-2009 10:41 PM

رد: شكر خاص للاخ سكر +صور ..

هلا اخوي ناسووه ..

مبروك علىك والله يعطيك العافيه وان شاءالله نشوف صور للنتيجه :)) ..

اخوي سكر تستاهل كل خير والله يعطيك الصحه والعافيه ... :))

انا اليوم سويت الطريقه مره ثانيه لكن الطير استوعب ان أي شيء احطه عند منقاره علشان اسحب منه العصا .. يرفض ان ياخذها لأن عرف ان عود الاسنان أو أي قطه صغيره ماراح يقدر يثبت عليها .. :))

فلازم اشوف لي شيء ثاني (ممكن استخدم اعواد العصير)

واسف على الاطاله .. :))

عمراان

24-04-2009 11:02 PM

رد: شكر خاص للاخ سكر +صور ..

انا ما شاء الله الكاسكو الي عندي من اول مرة سويتها...............................

تحياتي...........

كاسكوكيه

25-04-2009 04:42 AM

رد: شكر خاص للاخ سكر +صور ..

اقتباس:

المشاركة الأصلية كتبت بواسطة Q8 Sailer (المشاركة 845822)

بالنسبه للاخت كاسكوكيه ..

تميلين العصا شوي شوي وانتي بتشوفين الكاسكو بيصعد لين فوق .. وميليها الين تصير العصا عموديه وراح تلاحظين ان الكاسكو بيمسك العصا من منقاره .. اهو بس يمسكها من منقاره انتي قلبي العصا كلها رأسا على عقب .. وبعدها بسرعه حطي يدك على ظهر الكاسكو واتركي العصا .. :D

واسف على الاطاله

اوووووووووكي الحين بجرب فيه :D <<< اصبحنا و اصبح الملك لله

كاسكوكيه

25-04-2009 04:44 AM

رد: شكر خاص للاخ سكر +صور ..

اقتباس:

المشاركة الأصلية كتبت بواسطة سكر (المشاركة 845943)

أختي كاسكوكية << بعطيك ببغاء سيلر بس احذفي (كاف) واحد من اسمك , والله صعب ههههههه

مثل ما قال اخوي سيلر ميلي العصا,, أو لفيها مثل ما تلفي الطارة حق السيارة,,,

يعني الطير في النص على العصا وانتي ماسكة العصا من الجهتين بأياديك الثنتين,,

وترفعي يد وتنزلي يد بسرعه متزنة,, وتقلبيها عكس,, يصير الببغاء في الأسفل,,

وقتها افلتي يد وحدة وخليها تحت ظهر الببغاء عشان يتطمن, بس بعديها من رقبته عشان ما يلف عليك بمنقاره,

وفي نفس الوقت اتركي العصا يمسكها لوحده , واحملي الببغاء بيدينك الثنتين مع بعض,,,

أتمنى تجربي وترديلنا خبر,,

ويا ليت تصورين اصابعك قبل وبعد عشان نتأكد انها كاملة هههههههههه

تحياتي للجميع الله لا يحرمنا منكم

هههههههههههههههههههههه

أكييييييييييييييد بجرب فيه ^^

ولا يهمك.. صبوعي بعتهن من زماااااان لشامبيه :D

كاسكوكيه

25-04-2009 04:57 AM

رد: شكر خاص للاخ سكر +صور ..

ع بالي الحركه صعبه على الببغاء بس ما شاء الله :D

طبعن اقل من 10 دقااايق.. ما شاء الله و تصير :)

كاسكوكيه

25-04-2009 04:58 AM

رد: شكر خاص للاخ سكر +صور ..

http://up2.m5zn.com/photo/2009/4/24/...qbuegy.jpg/jpg

http://up2.m5zn.com/photo/2009/4/24/...b00oiy.jpg/jpg

سكر	25-04-2009 05:40 AM

رد: شكر خاص للاخ سكر +صور ..

حركاااااااااااااااات ههههههههههه

والله وشامبيه سواها

عقبال الشقلبه اللي في الموضوع الثاني

تري أسهل من هذي

كاسكوكية ما شاء الله عليك من صباح الله دربتيه

اذا عندك حبال استخدميها بدل العصا بتكون أسهل لك,,,

ربي يوفقك

تحياتي

كاسكوكيه

25-04-2009 06:31 AM

رد: شكر خاص للاخ سكر +صور ..

^_________^"

بس احس شكله طالع غلط مسكين :o

^^ ان شااااااااااااء الله ^^

Q8 Sailer

25-04-2009 02:55 PM

رد: شكر خاص للاخ سكر +صور ..

ماشاءالله ...

مبروووووووووووووووووك علييك ... :)) وعقبال من دون العصااا ... :D

عبادي والجو هادي

25-04-2009 03:51 PM

رد: شكر خاص للاخ سكر +صور ..

انا قالكم

ان سكر هو الخبير حقنا

جميع الأوقات بتوقيت GMT +3. الساعة الآن 10:34 PM.