|
صور لطيوري + أسئلة ( مهم للخبراء )
،،
السلام عليكم ورحمة الله وبركاته هلا بكم يا اعضاء تووو زووو انا من زمان وانا اتمنى اني أربي البادجي .. ويوم رحت السوق اشتري جوز بادجي بآخر لحظه قررت اني اشتري جوز كروان .. وشريت جوز والحمدلله وصلت لمواصيل ما وصلها ناس كثير في تربيته .. والآن رجعت لرغبتي و اشتريت جوز بادجي اضافة للكروان اللي عندي .. هذي صور للجوز .. وبعد الصور فيه عدة اسئلة .. http://alturaief.com/up/6eer/1.jpg http://alturaief.com/up/6eer/4.jpg وهذي صورة الذكر http://alturaief.com/up/6eer/3.jpg وهذي صورة الانثى http://alturaief.com/up/6eer/2.jpg الاسئلة 1/ هل الذكر جاهز للتزاوج ؟ 2/ هل الانثى جاهزة للتزاوج ؟ 3/ الجوز هذا شريته من قفص كبير ولا كانوا متوالفين ..يعني اخترتهم عشوائي .. ولهم عندي اسبوع حاطهم سوا .. ما شفت شي يدل على انهم متوالفين سواء لعب او تبويس .. ولا قد شفت واحد منهم داخل العش ( الصندوق الخشبي المعروف ) .. وش المشكله ؟ وكيف اخليهم متوالفين بأسرع وقت ؟ 4/ هل فيه موسم تفريخ للبادجي يعني لو راح علي الوعد الموسم الجاي ؟ 5/ وش نوع البادجي حسب اللون ؟ 6/ في حال وفقني ربي وانتجت منهم .. وش الالوان اللي ممكن احصل عليها ؟؟ والجوز كلهم تقريبا فيهم اخضر .. هل معناته كل الانتاج راح يكون اخضر ؟ 7/ لو حصل اعرف اعمارهم لو بالتقريبي ؟ اتمنى ما اكون كثرت عليكم يالغالين .. وبانتظار اجوبتكم .. ،، |
رد: صور لطيوري + أسئلة ( مهم للخبراء )
زوج جميل جداً ماشاء الله
بالنسبه لاسئلتك راجع المواضيع المثبته قبل لا تسأل |
رد: صور لطيوري + أسئلة ( مهم للخبراء )
ماشاءالله زوج رائع, اهنيييك لكن للاسف ألوان البادجي الحقيقيه غير واضحه فـ حبيت أرجع احط الصور بألوان قريبه من الواقع اذا تسملحي ؟ عشان يفيدونك أكثر بخصوص ألوانها والانتاج بالنسبه للأسئله اتركها للخبراء يفيدونك اكثر http://www.pusup.com/up/get-8-2008-v8bpf903.jpg http://www.pusup.com/up/get-8-2008-3r4fyd2u.jpg http://www.pusup.com/up/get-8-2008-660k4k4a.jpg http://www.pusup.com/up/get-8-2008-3839qnsq.jpg |
رد: صور لطيوري + أسئلة ( مهم للخبراء )
أخي الكريم على الرغم من أن الصور مو واضحة كثير وفيها لون غريب لكن نقول الزوج ما شاء الله تبارك الرحمن جميل وجاهز جدا للإنتاج بالنسبة للموسم لا تطمن ما فاتك بل أنت سبقته الموسم يبدأ مع بداية شهر 9 الألوان الذكر : منقط متنحي الأنثى: سبانجل عامل مفرد الإنتاج 50% سبانجل 25% منقط متنحي 25% طيور خضراء عادية حاملة صفة السبانجل بالنسبة للتآلف أصبر عليهم شوي هم جاهزين وراح يتآلفون بإذن الله أرجو أن أكون قد أفدتك تحياتي |
رد: صور لطيوري + أسئلة ( مهم للخبراء )
اقتباس:
لو بغيتي سمّعت لك كل المواضيع المثبته .. حافظها صم ويوميا اقضي من 5 - 6 ساعات بالمراجع الاجنبيه ونزلت مواضيع مترجمة هنا بالمنتدى بقسم ( الكروان ) واللي ما قد ترجمها احد قبلي لكن ما شفت ذاك التفاعل يعني لا تخافين والله تعبت من كثر ما اقرأ .. ولو كان الجميع يعتمد على المواضيع المثبته .. كان محد كتب مواضيع هنا .. بس طبعا من المراجع البحثيه .. هي الاستعانة بأصحاب الخبرة وسؤالهم شاكر لك ومقدر .. ،، |
رد: صور لطيوري + أسئلة ( مهم للخبراء )
،،
هلا والله وغلا اخوي مزعج .. ماقصرت والله .. راحت عن بالي اني ارجع الصور لحقيقتها مصورها بكميرة ديجيتال .. ونسيت ارجع اللون .. وانت ماقصرت وسويت عمل كبير اشكرك عليه ألف ألف شكر ،، |
رد: صور لطيوري + أسئلة ( مهم للخبراء )
اقتباس:
تسلم والله يالغالي على ردك الكافي والوافي ماشاء الله وانا اخذ بكلامك لانك من المربين المتميزين وانا متابع لك واتابع مشاركاتك سواء هنا او في اماكن اخرى ومعجب بطيورك واختيارك وعملك المتفاني وعقبال ما يرزقك ربي بفروخ رينبو :D ماقصرت والله يعطيك العافيه ،، |
رد: صور لطيوري + أسئلة ( مهم للخبراء )
اقتباس:
|
رد: صور لطيوري + أسئلة ( مهم للخبراء )
،،
بالنسبة للعمر .. هل هناك عمر تقريبي للطيور ؟؟ ،، |
رد: صور لطيوري + أسئلة ( مهم للخبراء )
مشكور أخوي وأنا ما عرفتك لأن الظاهر عندك نك ثاني برا بالنسبة للعمر الطيور متعدية السنتين والله أعلم تحيااتي |
رد: صور لطيوري + أسئلة ( مهم للخبراء )
،،
العفووو يالغالي انا متابع فقط .. وماني مسجل لكن بإذن الله تعالى راح اكون متواجد بنفس الاسم في اماكن ثانيه لعل وعسى افيد واستفيد من الجميع واجمع مابين التجربه والمعرفه العلميه شاكر لك ومقدر ،، |
رد: صور لطيوري + أسئلة ( مهم للخبراء )
،،
وعليكم السلام والرحمه هلا وغلا بطائر الصاف تسلم والله يابعدي على هالرد والمرور ،، |
رد: صور لطيوري + أسئلة ( مهم للخبراء )
،،
يا جماعة ابي اسألكم انا الطيور حاطهم فوق المكتبه عندي بالمجلس .. والتلفزيون دايم شغال .. والغرفه ما تهجد تقريبا الا من الساعه 5 الفجر الى 12 الظهر ينفع هالمكان للتزاوج والتفريخ ؟ والا انقلهن لغرفه ثانيه محد يجيها ؟؟ لان سمعت ناس يقولون للتزاوج خلها لحالها ولا احد يجيها ولازم هدوء وقد سمعت انه البادجي طائر اجتماعي ولازم علشان التفريخ يكون حوله ضجه وازعاج شوي علشان يطلع من جو الكآبه والهدوء ويتزاوج ..!! بانتظار الجواب يالغالين ،، |
رد: صور لطيوري + أسئلة ( مهم للخبراء )
اخوي طير الهوى الف مبروك عليك الزوج والاخوان ما قصرو بالنسبة لسؤالك الغرفة غير مناسبه للانتاج لانه لازم البادجي يحس بالامان عشان يفرخ وينتج والازعاج ما يوفر له هالشي بالنسبة للضجه والازعاج يقصد فيها الطيور الاخرى مو البشر والاجهزة ^.^ وبالتوفيق |
رد: صور لطيوري + أسئلة ( مهم للخبراء )
،،
تسسسسلم والله رعووود اجل بنقلها الحين لغرفه ثانيه اليوم من الصبح لين الحين وانا اكتب الرد هذا وهم ما غير يصارخون ويطلعون الصوت هذاك حق البادجي وماغير يناقزون بالقفص وكأن استراليا فازت بكأس العالم وفرحانات <<< وش يبي ذا على التشبيه خخخخخخخخ تسلم والله ماقصرت رعوود ،، |
| جميع الأوقات بتوقيت GMT +3. الساعة الآن 10:00 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو