|
القطه الجديدة
صار عندي قطه صغيره و اول مجابهتها لاحضت اذا تستخرج تستخرج إسهال و معاه دم شوي و احسها كثيره النوم ولكنها تحب اللعب ليش يطلع دم و قطي الكبير دائماً يلحق ورآها و يعضها مثل اذا يلعب بألعاب. وهي تقعد تصرخ. الزبدة ابي اعرف سبب خروج الدم و النوم الكثير و هل قطي يلعب معاها او يهاجمها و هال هي تطلع الصوت الان خائفا لو لانها تتعور:(
|
رد: القطه الجديدة
اقتباس:
كم عمرها قطة الصغيرة و المفروض تبتعيدين قطك الكبير عنها حتى لا ياذيها |
رد: القطه الجديدة
القط الكبير يأذيها بعديه عنها والواضح انه طالب تزاوج
الدم هذا اما بسبب كثرة الاسهال او اصابتها بالديدان على كلِ بنعالجها من الاسهال بالاول بس كم عمرها ووش تأكلينها .. |
رد: القطه الجديدة
سلام قطي الكبير عمره 6 اشهر و معروف عنه انه اذا يلعب يعضض و يشمخ و هو ساعات ينام معاها طبيعي و يجلس و لحس شعرها و ينضفها و ساعات يعضضها
قطتي الصغيره عمرها شهرين و اعطيها دراي فود رويال كنن لل كيتن و ماء و أمس اشتريت لها حليب خال من الاكتوز و اني اشتريتها قبل ثلاث ايام و من اول يوم لاحضت وجود الدم |
رد: القطه الجديدة
و انا ابيهم يتعودون على بعض و يصيرون اصدقاء
هل مرض القطه الصغيره بينتقل لقطي و هل سئاتضرر ولا عادي |
رد: القطه الجديدة
لا لن ينتقل ولكن انصحك تودي القطة الي بتنزل
دماء للدكتور |
رد: القطه الجديدة
6 شهور بيكون ممكن يحاول يتقرب منها ويلعب بس لازم تحرصين عليها وهي معاه لانه ممكن يبلغ في هالسن
امممممم الدم انا مو خبيره في هالاشياء بس مثل ماقالت الاخت فاتوو ممكن بسبب الاسهال |
رد: القطه الجديدة
والله مو عارفه شنت أسوي اول مره ايصير لي جذي أتمنى تفيدوني اكثر عن الدمم و لو صدق من الإسهال كيف اخليه يروح:(:confused:
|
رد: القطه الجديدة
الدم ممكن يكون ديدان وممكن يكون من نوعية الأكل
البراز سايل ولا بس فيه ليونة؟ لو سائل جيبي كابتين او كابكت وعطيها 1مل مرتين في اليوم لمدة ثلاث ايام القطط اللي تعتمد على الأكل الجاف يطلع مع برازها دم لذلك يجب الإعتماد على البروتين دجاج لحم ويصير الدراي فود مره في اليوم بكمية محدودة (اضرار الدراي فود اكثر من منافعه فكثرته تسبب مرض السكر والإمساك وتدهور الرؤية اللي يؤدي للعمى لأنه عبارة عن كربوهيدرات كمان يؤدي الى احتباس في البول وهذا جدا خطير لو ما اكتشفناه في اول يوم ) هو مكمل غذائي غلط تعتمدي عليه وتحرمي جسم القط من الفيتامينات اللي يحتاجها نوعي في الأكل عطيهم دجاج واسلقي معاه قطعه صغيرة جزر وقطعة كوسا واهرسيهم سوا عطيهم لحم مسلوق ,جبن مثلثات مره في اليوم (حبة واحدة) زبادي قليل الدسم (لزبادي رح يطهر معدتها وامعائها) اذا اعتمدتي على الغذاء المنوع راح يوقف الاسهال والدم ....الحليب ممنوع وياليت تبدأي بإعطاءهم جرعة الديدان, مش عارفة انتي من وين ...لو عندكم شراب فلوفيرمال عطيها 1مل في اليوم لمدة 3 ايام بعدين كرري العملية بعد اسبوعين وبعدها تتكرر كل شهر لحد مايصير عمرهم سنة |
رد: القطه الجديدة
أهلا أختي
لا تخلي القط الكبير ياذي الصغيرة لأنه ممكن يصيبها ببعض الاضرار لو اكثر من إذاءها بالنسبة للدم ممكن يكون عندها ديدان أو بسبب الأكل أنتي ايش تاكلين القطوه؟؟؟ |
رد: القطه الجديدة
اني اعطيها اكل رويال كانن حق الكيتين بس ما ادري شنو يعطيها راعليها من قبل ، هو قال لي ان يعطيها معلبات و دراي فود و خروجها مو سائل كثير صايره لينه بس عندي حليب اطفال خالي من الاكتوز و احط فيه حبات دراي و اخليها تشربه و حاطه لها الماي 24 ساعه و هي تلعب ما احس فيها خمول كثيرا
لكن بما انتو تقولو الدراي ممكن هو السبب قررت اعطيها الفطور شريحه جبن و الغذاء دجاج مع خضراوات و العشاء داري و قطي الكبير ينام معاها و يجلس ينظفها بس ساعات يقعد يلعب معاها لكن بخشونه احسه يحبها لكن يلعب بخشونه و انا اعرف قطي قلبه طيب و يحيب الكل المهم طولنا عليكم هل اتبع الاسلوب اللي قلته فوق بخصوص الغذاء ولا ﻻ |
رد: القطه الجديدة
المشكله الحين ما عندي المال الكافي حق اشتري الادويه��
|
رد: القطه الجديدة
ساااااااااعدددونييي بلييييز عطوووني الحل
|
رد: القطه الجديدة
من امس لليوم صار اي تغير في حالتها؟
الاسهال مازال مصحوب بدم؟ القطة نشيطة تاكل وتلعب ولا تعبانة؟ بعدين حبيبتي دواء الاسهال مش غالي بالعكس رخيص جدا في السعودية تقريبا 6 او 8 ريال ودواء الديدان مش مشكلة ممكن تنتظري اسبوعين ثلاثة لحد مايتوفر المال مع انه ايضا مش غالي كل الأدوية من الصيدلية البشرية ... ولو الاسهال وقف او ماكان سائل جدا ممكن تعطيها زبادي ممتاز للاسهال او سيريلاك بالأرز واعتمدي على اكل البيت علشان صحتها |
رد: القطه الجديدة
والله مادري اذا اليوم طلع دم بعد او ﻻ ﻻن هي تقضي حاجتها و تدفنها بالرمل
لكن حسيت ان الاسهال تجامس شوي بس ما ادري صدق ولا يتخيل لي القطه اللي يجوفها ماشاء الله ولا يدري ان فيها جذي تلعب و تركض و تنام و تشاغ و تاكل و تشرب و ماتخلي شي ما تلعب ابه حتى وجها مايبين عليه علامات مرض و عيونها مفتحه ولا كأنها تستخرج اسهال و دم حتى بيتنا مايدرون بهلمشكله |
رد: القطه الجديدة
اليوم و اني انظف اللتر بوكس جفت شوي دم
|
رد: القطه الجديدة
نظامك الغذائي كويس بس شيلي الجبن وحطي بداله مهلبيه
مشكله الاسهال ماتأثر على صحة القطة الا اذا تأخرنا بالعلاج وانتي كويس اكتشفتي المشكله بدري جيبي لها من اقرب صيدليه شراب انتينال او كابتين عطيها ربع مل يوميا لخمس ايام مع متابعة لون البراز ونسبه الدم وشوفي فحة الشرج اذا محمره او ملتهبة |
| جميع الأوقات بتوقيت GMT +3. الساعة الآن 06:43 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو