|
مساعدة ضروري للبوا
السلام عليكم ورحمة الله وبركاته
عندي ثعبان بوا من فترة وصحته كانت حلوة وياكل صار له شهر مو راضي ياكل طبعا كان يبدل جلد والان خلص تبديل الجلد وإلى الآن مو راضي ياكل واللي باط كبدي الغبي يخاف من الفئران كانهم هم اللي بيفترسوه مع انه كان ياكلهم فأرجوا المساعدة في هالموضوع |
رد: مساعدة ضروري للبوا
تأكد ان الحرارة مناسبة بالحوض لأن الثعابين تمتنع عن الاكل اذا الجو بارد
|
رد: مساعدة ضروري للبوا
أيضا يفضل انك تطعمه فار ميت..لان الحي يقاوم بالعض او الهرب و هذا شي ممكن يؤذي الثعبان و قد يسبب في ان الثعبان يمتنع عن الطعام.
انا كان عندي ثعبان متخلف مايعرف يمسك الفار.. صار كل مايجري يبغى يعظ الفار, الفار ينقز و يخش اخينا الثعبان في قزاز القفص...و اتكرر الموضوع اكثر من مره و امتنع بعدها الثعبان عن الاكل لمده تقريبا 3-4 اشهر..والله اعلم سببها انه جمع مابين الفار والارتطام بالقزاز فاتخذ سبيل ابعد عن الشر و غني له. الين ماجاع صح رجع ياكل. باالتوفيق |
رد: مساعدة ضروري للبوا
صارت معاي ، المشكله الفار ينحاش و انا عندي عقده من الفيران :D
قمت حطيت الفار و اهو حي بماي بااااااااااااااااارد عشان يخف النشاط و لبست دس جلد و أشيله من ذيله و سويت Hand Feeding و الحمدلله نجحت :D و عادي لا تحاتي ^^ أسبوع أسبوعين ثلاث أربع ما منهم خوف و انشالله مافيها شي لكن تأكد ان ما عندها إلتهاب او شي من هالأشياء و موفق ~ |
رد: مساعدة ضروري للبوا
توضيح للالتهاب الي تكلم عنه الاخ بايثون :- فقاقيع تطلع من فم الثعبان من قدام او على الاجناب
و انت تاكد امسك راسها على جنب و افتح فمها بعود تنظيف الاذن اذا لقيت سائل لزج فهذا هو الالتهاب ان شاءالله مافيها شي سؤال :- انت حاطلها كهف او مكان تنام فيه ؟ اذا لا حطلها و خلها ٣ او ٤ ايام وجرب وكلها مره ثانيه لان واجهتني هالمشكله مع بوا صغيره ورجعت تاكل يوم حطيتلها كهف |
رد: مساعدة ضروري للبوا
الموضوع بيسط والسبب هو برودة الجو تأكد أن درجة الحرارة 30 درجة عند الاطعام واذا رفضت تاكل انتظر لحد يعتدل الجو وراح تاكل هي من نفسها |
رد: مساعدة ضروري للبوا
درجة الحرارة مناسبة وصحتها ممتازة ما فيه التهاب
بس ما ادري ليش مو راضية تاكل طبعا الحوض اللي هي فيه صغير عليها مشكورين جميعا على الرد |
رد: مساعدة ضروري للبوا
أول شي شنو نوع البوا أصلاً ؟
و جم طولها ؟ و ممكن صوره للحوض و قياساته ؟ |
رد: مساعدة ضروري للبوا
شباب الريال يقول كانت تاكل قبل و الحين بطلت تاكل يعني في شي مضايقها او خايفه
يا ماعندها مكان تنام فيه او درجه الحراره او الرطوبه مو مضبوطه او عندها التهاب بالجهاز التنفسي |
رد: مساعدة ضروري للبوا
سبحها بماء دافي لين ما تستفرغ او اوسخ
و خلي درجة حرارة الحوض من 25-30 و رجعها لما تتاكد ان الحراره تمام و اليوم الثاني اكلها و شوف وش يصير |
رد: مساعدة ضروري للبوا
مشكوورين شباب والله يعطيكم ألف عافية
انا حاطها بحوض الآن مقاسه تقريبا 80 *40*40 ودرجة الحرارة ما بين 27 الى 32 وحاط لها طاسة كبيرة فيها موية يمديها تسبح فيها ومركب لمبة لكن المشكلة انها تتردد وتخاف تهجم على الفار وش الحل مع الخوف هذا؟ |
رد: مساعدة ضروري للبوا
فار تربي فار يلهوي
وععع الفار قذر وينقل الامرا وريحته قذره والسلحفاة اهون منه بشوي يعني شيل الفار عنها |
رد: مساعدة ضروري للبوا
^
ما قال انه يربي فار -_- ! يبي يوكل البوا و أكلها فيران -_-" اممم زين جرب تعطيها حالياً فيران صغار حيل و انت البس اي شي دس مثلاً و مسكه و حركه جدامها و اهو حي راح تبدي تعضض وايد لين تعضه و تلف عليه جرب و شوف شنو يصير معاك ^^ |
رد: مساعدة ضروري للبوا
هي الآن أكلت والحمد لله
لكن أنا مشكلتي مش انها ما تاكل نهائيا هي تخاف من الفيران وتقعد فترة طويلة على ما تهجم على الفار أنا أبي حل مع الخوف هذا |
رد: مساعدة ضروري للبوا
الفار كبير عليها ؟
مرات لما تشوف شي كبير تخاف منه ولو انها تقدر تاكله أصلاً بس لو كان حجمه صغير و هم تخاف ، معناه اهي من نفسها خايفه مو بس من الفار تشيلها وايد انت او تتحرك وايد جدامها او مو مرتاحه بالحوض شي جذي و لو كان هم لا ، مافي الا انه شهيتها مو مفتوحه حيل يعني ما تبي تاكل لكن لما الفار يكون مصر انه يروح ما تسوي الا شي واحد ولي اهو انها تهاجم و تلف بعدها تاكل ما راح تخليه ^^ اتمنى افدتك بشي :D |
رد: مساعدة ضروري للبوا
اذا شهيتها مو مفتوحة للاكل ليش توها هالفترة هذي
من قبل كانت شهيتها مفتوحة على طول تاكل ما تقول شي لكن كذا مرة يطيح الفار عليها او يمسك راسها بعض الاحيان اذا قربت منه كثير ومنها صارت تخاف والحل معاها |
رد: مساعدة ضروري للبوا
تغير معاها شي ؟ درجة الحراره او ديكورات الحوض
او الحوض بكبره ؟ عالعموم انت خلك شوي شوي وكلها من إيدك يعني خلك ماسك الفار او أياً كان بإيدك و اهي تعضه و تلف عليه إلين يتحسن وضعها ،، و حاول هالفتره تاخذ هامسترات بدال الفيران ، الهامسترات ما يعضون كثر الفيران ولا يركضون حيل ولا شي و انشالله تتحسن معاك ^^ |
رد: مساعدة ضروري للبوا
مثل ماقالك بايثون صغر لها الوجبه و يفظل تكون ميته
واذا عندك فيتامينات الي على شكل بودر حطلها عالفار تراهي ممتازه وانا شخصيا استخدمها وتفتح الشهيه (اذا ماحصلت مو ضروري ) استمر على وجبات اصغر لمده فتره بعدين ارجع كبر الوجبه وان شاءالله بتلاقي تحسن يمكن انت معطيها فار كبير وعلى قولتك مسك راسها وبدت تخاف وتتردد بالهجوم |
رد: مساعدة ضروري للبوا
مشكوووووووووريييين شباب والله يعطيكم العافية
البوا رجعت تاكل والحمد لله لكن بعدها بخوفها يعني باي وقت ترجع تصوم ثانية وتتردد كثييير قبل لا تهجم على الفار |
رد: مساعدة ضروري للبوا
احيانا مع تغيير الجلد يكون القشره اللي على العين تتقشر كمان فبذلك ما يقدر الثعبان يشوف او يدافع عن نفسه وهو يشوف بالحراره فاتوقع اذا حس بحركة الفار ما يدري هل هو فار صغير او حيوان كبير << والله اعلم ترا ما عندي خبره بس تخمين
|
| جميع الأوقات بتوقيت GMT +3. الساعة الآن 06:58 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو