|
قطوتي عاجل جدا جدا جدا جدا
مرحبا
قطوتي ولدت اليوم وجابت 2 سليمين واحد طلع مقصوص طلع بس راسه و ايدينه بس جسمه لحد الان ماطلع :( شسووووي بليز ساعدوني |
رد: قطوتي عاجل جدا جدا جدا جدا
هل الام تحاول دفعه للخارج اكثر من مره وبدون حدوث اي تقدم لها؟؟
ومن متى بدات في الولاده؟؟لها كم ساعه بالضبط؟ لازم تلبسي قفازات وتحاولين تسحبيه بشويش .. واذا لاحضتي ان الام تصارخ وتحاول الدف اكثر من مره ومافيه اي نتيجه لازم بيطري الان فقط حاولي سحب القط بشويش.. |
رد: قطوتي عاجل جدا جدا جدا جدا
الخبيره ناديا
القط مقصوص لنصين الجزء الاول طلع لبرا راسه و ايدينه بس جسمه و المشيمه لسى ماطلعت داخل بطنها |
رد: قطوتي عاجل جدا جدا جدا جدا
القطه لها كم تولد؟؟كم ساعه؟؟
لازم بيطري على وجه السرعه حتى يعطيها ابره طلق تساعدها انها تخرج المشيمه وباقي الكيتن. والا القطه تموت.. |
رد: قطوتي عاجل جدا جدا جدا جدا
صار لها 3 ساعات تقريبا
|
رد: قطوتي عاجل جدا جدا جدا جدا
طيب لحد كم اصبر عليها اذا ماطلعت شي اوديها
و ابي بيطري مضمووون بالشرقيه ياليت تسااعدووني بسرررعه :( |
رد: قطوتي عاجل جدا جدا جدا جدا
فقط 3 ساعات ؟!
لا اصبري عليها حتى تكمل 8 او 10 ساعات لان الطلق عند القطط تطول فترته .. |
رد: قطوتي عاجل جدا جدا جدا جدا
انا اظن لازم بيطري حرام
|
رد: قطوتي عاجل جدا جدا جدا جدا
اقتباس:
8 او 10 ساعات المشكله لو ماطلعت شي ماقدر اوديها بالليل و بكره الجمعه العصر اقدر اوديها القطه متغيره ماتبي تجلس مع الكيتنز راحت بالزاويه و نامت حطيتها بقفص كبير معاهم عشان ترضعهم |
رد: قطوتي عاجل جدا جدا جدا جدا
دقيت على البيطري قال لي اجيبها بسرعه عشان يعطيها ابرة طلق
|
رد: قطوتي عاجل جدا جدا جدا جدا
الله يقومها بالسلامه طمنينا عنها
اتوقع لازم ابره للطلق عشان يطلع الباقي من البيبي والمشيمه |
رد: قطوتي عاجل جدا جدا جدا جدا
ننتظر رجوعك وتطمنينا عليها ..
يارب تقوم بالسلامه |
رد: قطوتي عاجل جدا جدا جدا جدا
رحت الساعه 5 البيطري
قال انه باقي كيتنز بطنها 2 او اكثر بس الميت معترضهم و عطاها ابرة طلق قال 24 ساعه بالكثير 48 اذا ماطلعتهم ارجعها عشان يسوي لها عمليه بس الحمدالله كلها نص ساعه بعد الابره و ولدت بس تعباانه من الولاده مره ماكلت ولا شربت دعواتكم لها |
رد: قطوتي عاجل جدا جدا جدا جدا
اي صح نسيت اقول انه لحد الان ماشفتها طلعت الميت
ماقدرت اراقبها بس لما جيت لهاحصلتها تاكل بشي نزل منها بس مو مشيمه |
رد: قطوتي عاجل جدا جدا جدا جدا
الله يحفظها لك ويحميها ومبروك عالكيتز يتربون بعزك
يمكن اللي تاكله الباقي من الكيتن ربي يعوضك بالباقين اهتمي فيها وحاولي تجيبين لها اكلات تحبها |
رد: قطوتي عاجل جدا جدا جدا جدا
طيب مادري احس للأن بطنها منتفخ شوي
عكس اول ولاده لها كان بطنها فاضي مره طيب لو الكيتنز الميت لسه بطنها يعطيها ابرة طلق ثانيه ولا هو انا كلمته الساعه 10 قال لي ان القطه تاخذ 24 ساعه بالولاده و طالما انها طلعت الاثنين يعني بتطلعه بس ماشوف اي علامات طلق او انها تحاول تخرجه بليز ردو علي لانه مابي يسوي لها عمليه هو قال السبت او الاحد ارجعها له اذا ماطلع |
رد: قطوتي عاجل جدا جدا جدا جدا
سلاماات ...يااقلبي عليها مالي خبره بالولاده بس مدري احس بقووه خفت شكلي لو قطوتي حملت ووقت الولاده راح اوديها للبيطري لاني ماتحمل هالمواقف الله يعينك يارب ويصبرك
ويقومها لك بسلامه وتتهني فيهاا وسوري ماقدرت اسااعدك بشي ... الله يقومها بسلامه ياااااااااااااااااااااااارب |
رد: قطوتي عاجل جدا جدا جدا جدا
لاتخافين بماان الام هاديه وتاكل وترضع الكيتنز ومافيها اعراض طلق
ان شاء الله ماببطنها شي..وكله طلع منها وبالنسبه لانتفاخ بطنها عادي جدا يكون كبير شوي..لاكن لما تتحسسيه يكون فاضي ومليئ بسوائل وممكن هي نزلت الكيتن الميت واكلته وانتي ماشفتيها ..لان القطط سريعه جدا الاهم خذي نصيحتي:::: البيطري لايعملها عمليه الا يكون قبلها مسوي سونار لها حتى يتاكد انه باقي كيتنز او مشيمه انتبهي يقولك البيطري انه يعرف فقط من لمس بطنها..وبعدها يعملها قيصري.. لان العمليه صعبه ومضاعفاتها خطيره لازم لازم يعمل سووونار للتاكد من داخل بطنها.. |
رد: قطوتي عاجل جدا جدا جدا جدا
بصراحه العمليه شايلتها من بالي مابي اسوي لها عمليه لانه مثل ما قلتو خطيره
و بصراحه مو متأكده من خبرة البيطري الي رحت له لذالك مابي اسوي لها العمليه و من شوي سخنت لها حليب و شربته و عطيتها اكل و اكلت شوي و رجعت ترضع اولادها و مشكورين كل الي ردو علي والله لا يوريكم مكروه |
رد: قطوتي عاجل جدا جدا جدا جدا
الف سلامة على القطة ويتربوا فى عزك الكيتنز
|
رد: قطوتي عاجل جدا جدا جدا جدا
كيف قطوتك اليوم؟
ان شاءالله احسن |
رد: قطوتي عاجل جدا جدا جدا جدا
اليوم تاكل وتشرب عادي و ترضع الكيتنز
بس حزينه و مالها خلق ومن شوي تلمست بطنها والله انه باقي فيه حتى امي تلمست بطنها و قالت انه باقي فيها واضح جدا و بطنها منفوخ كانها حامل ما كانها ولدت لو سمحتو ابي بيطري شاطر بالشرقيه انا رحت للكروان الي بالخبر لعادل و عندي سؤال بعد كم يوم يتعفن الكيتنز لو ما طلع والله خايفه عليها |
رد: قطوتي عاجل جدا جدا جدا جدا
والله ماعرف دكتور بالشرقيه
اما سؤالك الثاني ايه لازم يطلع |
رد: قطوتي عاجل جدا جدا جدا جدا
ان شاء الله اهل الشرقيه يفيدونك
لاكن لازم تتاكدين من شي.. هل القطه تعاني من ارتفاع بالحراره ؟ او صعوبه في المشي؟ او لاتاكل ابدا؟ لو فيها الاعراض بتكون بمرحله خطر ولازم بيطري يعطيها ابره طلق.. لو لا اذا القطه بخير وعافيه اهم شي المسي بطنها مع الضغط حتى تتاكدين هل توجد ورمات او كور صغيره ام لا؟ |
رد: قطوتي عاجل جدا جدا جدا جدا
لا ماعندها ارتفاع بالحراره
و تمشي زين و تاكل و تشرب الحمدالله و ترضع اولادها بس احسها حزينه و مكتئبه عكس اول مره ولدت :( وانا والله متااكده انه باقي بطنها اذا تحسست بطنها وااضح جدا انه داخله فيه المشكله البيطري الي رحت له يقول لي جيبيها الاحد عشان اعمل لها العمليه ماقال لي بيعطيها ابرة طلق مره ثانيه شكيت والله انه عشان الفلوس يبي يسوي لها عمليه ابي بيطري ثااني ساعدوني بليز |
رد: قطوتي عاجل جدا جدا جدا جدا
لازم بيطري بسرعه حتى يكشف عليها
طيب ممكن ترجعين لطبيبك الاول واطلبي منه عمل سونار حتى تتاكدين فقط |
رد: قطوتي عاجل جدا جدا جدا جدا
يب يب
سوي سونار مثل ماقالت واانا من الشرقيه ماعرف ولا طبيب مثل الناس كلهم حراميه الصارحه ياليتني برياض :) والف مبروك:88::freind: |
| جميع الأوقات بتوقيت GMT +3. الساعة الآن 01:49 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو