|
رفض الاهل في تربية القطط بالمنزل << الاسباب و الحلول ..مجربة و مضمونه
السلام عليكم و رحمة الله و بركاته .. بعد تفكير و حوسه اللموضوع اللي بحطه قررت احط موضوع لحلول رفض تربية الاهالي للقطط (الاسباب, الحلول) الاسباب: باللون الاحمر الحلول: باللون الازرق بسم الله نبدأ: 1-الحيوانات الثانيه الصغيره في المنزل: قد يكون بسبب طيور او هامستر او ارانب في المنزل فخافوا ان تاكلهم القطط فياثموا .. اذا كان عندكم حيوانات صغيره ممكن تاكلها البسه يا بيعوها يا خلوها بمكان ما تقدر توصل له القطه يا بغرفه مسكر عليها البابـ و ممنوع تدخل للغرفه حتى لو تجربون اذا راح تهجم او لا لان بعض الناس يجربون و تنطلق البسة قبل ما يقدر يمسكها و خلاص راح الحيوان الصغير فانتبهوووا 2- الناحية الصحيه:الامراض اللي يتكلمون عنها الناس و اللي يقول البسة تجيب العقم و اللي يقول مدري وشو .. هذا كله كلام غلط .. البسة لا تصيب بالعقم الا اذا تم لمس فضلاتها -اعزكم الله- فكل ما عليكم ان تثبتوا صحة كلامي عشان تورون اهلكم الموضوع و ان هذا كلام خاطئ اللي يربي بسة يكون عقيم !! :confused: .. ثانيا.. وجوب تعقيم القطة في مواعيدهاا المحدده و الاهتمام بهاا يعني مو تخلونها بالحوش تروح مع بسس الشوارع و ترجع لكم مريضه .. طبعا اللي يبي يطلعها للحوش هذا مو ممنوع بس لازم تجلس معهاا عشان ما يقربون بسس الشوارع منها او ما تطلع من البيت و تروح مع البسس الثانيه 3- القذارة: بعض الناس يعتقدون ان القطة تقضي حاجتها -الله يكرمكم- بأي مكان و هذا غللللط فالبسة الي اصغر من شهرين او التي فصلت من امها و هي صغيره و لم يعلموها اصحابها هي التي تقضي حاجتها بأي مكاان لان امها هي اللي تعلم القطط الصغيره سبحان الله .. و سبحان الله القطط انظف الحيوانات حيث تقضي معظم عمرها في تنظيف نفسها .. و عند قضاء حاجتها -الله يعزكم- تدفنه بالرمل 4- كثرة مصاريفها: و هذا بعد غلط فالبسة تقدر تصرف عليها من 0- 10000 !! .. يعني الي بيشتري بيكي فيس مثلا و ياكله معلبات و يشتري له كل اسبوع العاب ..الخ بيتكلف كثير اما اللي بيتبنى بسة و ياكلها اكل بيت و صحن من عنده و العاب من عنده زي خيوط و كور و عرايس و ليزر ..الخ فما راح يتكلف عليها ولا ريال صحيح هو لازم تتكلف عليها عالاقل 500 بالسنه للتطعيم و اذا مرضت لا قدر الله و اذا سافرت تخليها عند احد مثلا و تشتري دراي فود 4 كيلو بـ 75 ريال \\\ و الشامبو ممكن تستخدمون لا دموع بعد اليوم البلسم (الاصفر) هذا كويس للبسس و يصلح للانسان بـ 30 ريال 5- الحساسيه: و هذي لازم توعد امك انك اول ما تبدا تعاطس و كذا تتركهاا << ما اقصد ترميها .. اقصد تخليها و ترجع لها بكرا مثلا ... و انك ما تخليها تنام بالغرفه معك و تقولها انك اذا نامت معك خلاص ودوها .. عشان يقتنعون 6- تخريب الاثاث: طبيعة البسس انها تحب تقلم اظافرها بالاثاث و هذا يخرب شكل الاثاث فاذا اهلك معيين عشان كذا قولهم انك راح تقص اظافرها كل ما طولوا يعني ما راح يخربون الاثاث و لا ياذون احد 7- الولاده-الرش: اذا عندك انثى و اهلك يقولون ودها لانها حامل مثلا او لا تجيب بسة عشان ما تولد عندنا فيه 3 حلول: 1- انك تبيع اولادها كلهم و الفلوس تروح لاهلك و تولد بغرفتك و انت تهتم فيهم الى ما يكبرون .. 2- توديها يا عند فندقه و بعدين تبيع البسس او عند صديق يحب البسس و يعرف يربيهم شرط تكون متعوده عليه او عالاقل خلها تحبه و تتعود عليه اول ما تتزاوج 3- عملية التعقيم و هذي ما انصح فيها ابد ابد ابد اولا غالية ثانيا تحرم القطة من الامومه اما بالنسبة للذكر .. فاول ما يطلب التزاوج يا توديه محل يا بالمنتدى و انتبه توديها للشارع يتزاوج و طبعاا ما ننسى اكبر حل و هو الدعاء و طاعة الوالدين و برهم خااصة برمضان .. او اذا ما كان رمضان ادع بالسفر او اثناء نزول المطر او يوم الجمعه او و انت ساجد لربك و طبعا مو تدعي اسبوع باستمرار بعدين توقف و تقول مليت لانه easy come easy go اللي يجي بسرعه يروح بسرعه فانت لازم تتعب عليها |
رد: رفض الاهل في تربية القطط بالمنزل << الاسباب و الحلول ..مجربة و مضمونه
كتييييييييييييير حلو الموضوع بيجننن
بس بدي حل لهذا السؤال انو اذا امي بتخاف من القطط كيف اقنعها انهم مايخوفون ؟؟ |
رد: رفض الاهل في تربية القطط بالمنزل << الاسباب و الحلول ..مجربة و مضمونه
الله يعطيك العافية , والحقيقة موضوع رائع .
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
الله يعطيك العافية
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
موضوع رائع جدا
بس أمي تقول شعرهم يتساقط على الكرسي وش الحل؟؟؟؟؟؟؟؟؟ تقبلي مروري |
رد: رفض الاهل في تربية القطط بالمنزل << الاسباب و الحلول ..مجربة و مضمونه
يعطيك العافه
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
ياليت امي عندها هالاسئلة كان جاوبتها
بعدين تقوووول بيع الهامستر والطيور وانا مابي مستحيييل تووووااافق ادعوا لي وشكرا ع الموضوع الرااااائع--- |
رد: رفض الاهل في تربية القطط بالمنزل << الاسباب و الحلول ..مجربة و مضمونه
طيب انا امي تخاااف ايش الحل
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
اول شي جب وحده صغيره عمرها حدود الشهرين .. تكون الوانها فاتحه شوي زي ابيض مشمشي رمادي فاتح و قوليلها بخليها بغرفتي ما راح تشوفينها ولا شي و بعدين وريها فيديوات و صور لها عشان تحبها شوي شوي بعدين قوليلها وش رايك اطلعها برا الغرفه بس شوي ما راح تجيك لان البسس فضوليه و بتستكشف المكان و ماراح تجيك اذا وافقت طلعيها و خليها تمشي و امك تطالعها و نبهيها انه ما تخوها ولا تصرخ ابداا .. بعدين انتي روحي عند البسه المسيها و قربيها من امك اذا صرخت و قالت بعديها قولي لها انا ماسكتها لا تخافين هي صغيره و اظافرها مقصوصه و ما راح تعضك و قولي لها تلمسها و هي بيدك و بكذا بتبدا تمسكها و ممكن تخليها تنام معها بعد خخخخخخخ |
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
الله يعافيك ان شاء الله مشكوره على مرورك |
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
بسيطه اول شي اذا شريتيها فيه تطعيمه ضد تساقط الشعر عطيها اياها و لا تاكلينها اكل معلب ابد ولا تونه ولا سمك لانه هو السبب بتساقط الشعر .. و ثاني شي اشتري فرشة شعر للقطط عشان تشيل الشعر الزايد و ما يتساقط من نفسه و مشطيها كل يوم 5-10 دقايق و بكذا ما راح تلقين شعره وحده ان شاء الله :D |
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
الله يعافيك ان شاء الله |
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
لييش ؟؟ اساسا صعبه تربي بسه مع طيور و هامستر بتطاردهم على طول هي اكيد قالت لك ودهم عشان ما تاكلهم البسه و تستاثمون عليهم ود الهامستر و الطيور و جب بسه و اذا عجبك الطيور و الهامستر اكثر رجعهم وود البسه ياارب توافق مشكوور على مرورك :) |
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
اقتباس:
اول شي جيبي وحده صغيره عمرها حدود الشهرين .. تكون الوانها فاتحه شوي زي ابيض مشمشي رمادي فاتح و قوليلها بخليها بغرفتي ما راح تشوفينها ولا شي و بعدين وريها فيديوات و صور لها عشان تحبها شوي شوي بعدين قوليلها وش رايك اطلعها برا الغرفه بس شوي ما راح تجيك لان البسس فضوليه و بتستكشف المكان و ماراح تجيك اذا وافقت طلعيها و خليها تمشي و امك تطالعها و نبهيها انه ما تخوها ولا تصرخ ابداا .. بعدين انتي روحي عند البسه المسيها و قربيها من امك اذا صرخت و قالت بعديها قولي لها انا ماسكتها لا تخافين هي صغيره و اظافرها مقصوصه و ما راح تعضك و قولي لها تلمسها و هي بيدك و بكذا بتبدا تمسكها و ممكن تخليها تنام معها بعد خخخخخخخ و مشكووره على المرور |
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
انا قلتلها بس اجيبها وتجربي وراح احطها بغرفتي مارضيت ابببد :( وكمان هي قاللتي اصلا مابي اتعود عليها من اصلوا ومانبي نجيب قطوه :( ولو جبت قطوه بدون مااقلها راح ترميها بالشااارع وانا ماابي بسه تموت بسببي:( |
رد: رفض الاهل في تربية القطط بالمنزل << الاسباب و الحلول ..مجربة و مضمونه
مشكور
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
شكراً على الموضوع الصراحة رائع جداً
بس سمعت أن قص أظافر القطط مضر على صحة القطة ! وبالنسبة لتساقط شعر القطط والتصاقه بالملابس (وحكمه حكم النجاسة يبطل الصلاة) ماذا إذا لم نستطع توفير التطعيمة او كانت القطة من الشارع او هدية ولا نعلم إذا كانت مطعمة أم لا |
رد: رفض الاهل في تربية القطط بالمنزل << الاسباب و الحلول ..مجربة و مضمونه
مشكوووووورهـ والله ما بقى شي ما جربتـه بس مو رآضين < قههر
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
السلام عليكم
1-انا اهلي كلهم معيين اني اجيب قطوه؟ 2-ابغا طريقه اقنعهم؟ 3- عندنا طفل صغير يقولون انه تجيب امراض؟ تكفوووووووووووووووون ابغا طريقه اقنعهم لاني بصراحه تعبت معاهم كل مره اقولهم يقولون لا. |
رد: رفض الاهل في تربية القطط بالمنزل << الاسباب و الحلول ..مجربة و مضمونه
يعطيك العافيه
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
طيب اذا كان ابوي يقول البيوت مهب للقطاوه للوادم وش اسوي؟؟
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
طيب
في كلام كله اسمعه يقولون ان اللي يلمس قطو وبعدين يلمس شعره يطيح شعره يعني يقولوا القطاوه تجيب الصلع للناس انتوا اش رايكم في هذه المعلومة؟ |
رد: رفض الاهل في تربية القطط بالمنزل << الاسباب و الحلول ..مجربة و مضمونه
لآ لآ خآطئه مية بالميـة بس إذا كآن قط بلدي يفضل غسل الإيد بس ظغذا بلدي بالبيـت مو بالشآرع يعني معآكمـ لآ ما تغسلي إيدج عآدي
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
موظوعك اخوي جميل ورائع
بس القطط تحمل فيروس يسبب اجهاض للحوامل ويبقي الفيروس في الدم ودايما اي مرأه تحمل في الشهور الاولي يعملو لها اختبار التكسوبلازما ثانيا القطط اذا تعرضت لاهمال وقلة العنايه بالنظافه قد تسبب امراض فطريه غير كذا بعض الاطفال يكون لهم حساسيه تقبل مداخلتي ومروري |
رد: رفض الاهل في تربية القطط بالمنزل << الاسباب و الحلول ..مجربة و مضمونه
مشكور على النصايحه بس عن نفسي
مانصح احد يربي ثديات الانه تقريبا مثل البشر تحتاج تطعيم وبيطره وعفسه وهاذي كله يبيله مصرفه بروحه وثاني شي اغلب الثديات تتبول وهاذه كارثه لو تبول على سجاد وبعض اناث الثديات تحيض وصخ ولا تنسه انه احنا مسلمين والبول و الخ هاذي نجاسه مو مثل الانجليز لاعباده ولاهم يحزنون بلعكس انا موضد الفكره بس لو واحد يسالني اقول جذي |
رد: رفض الاهل في تربية القطط بالمنزل << الاسباب و الحلول ..مجربة و مضمونه
أنا أهلي يقولون لا تفكر تشتري حيوانات بعد الي صار ( مات أرنبين و 4 سلاحف و حرباء و مرض قنفذ و هرب كناري :D )
( فوق انه ماتت حرباء ثانية و هم ما يدرون :D ) << سفاح :D طبعًا بعدما عرفتوا الي صار بتقولون معاهم حق بس أنا أبغى حيوان أحبه و هو اختصاصي يعني مابحس بملل أو عدم اهتمام و سبب الرفض هو انهم خايفين من الإثم مثل ما حصل في الحيوانات الي قبل :) =-= و شكرًا على الموضوع ، و على فكرة حيواني مو قطوة أو شي مألوف ، و هذا أحد الأسباب لكنه فرعي مو مهم :D |
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
عادي إذا كان السبب بس انه مو متصور وجود القطوة داخل البيت قول له انه الصحابي أبو هريرة -رضي الله عنه- كان عنده قطوة يربيها و احنا مب أحسن من أبو هريرة و بعدين ملايين الناس تربي قطاوة في بيوتها ، يعني مو معقول تكونون متخلفين لو ربيتوا قطوة ، شي عادي جدًّا |
رد: رفض الاهل في تربية القطط بالمنزل << الاسباب و الحلول ..مجربة و مضمونه
خخخخخخخخخخخخخ خليكم زيي لاتشاورون وربي مافيه احسن من نظام ( حطهم امام الامر الواقع ) بس انا قايل لهم قبل راح اجيب رضيتوا والا لا هههههههههههههه
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
قلت له وقال ليتك ربع ابو هريره قلت وش دخل ربعه ولا نصه عيا جت اختي قالت ان القطاوه تسبب امراض خطييييره مره وعددت مليون مرض قال ابوي مستحيييل تشتري يابو الشباب |
رد: رفض الاهل في تربية القطط بالمنزل << الاسباب و الحلول ..مجربة و مضمونه
الله يهدي أختك تبي اتخرب عليك
|
رد: رفض الاهل في تربية القطط بالمنزل << الاسباب و الحلول ..مجربة و مضمونه
اقتباس:
طيب اسأل ناس ربوا قطاوة ( حاول تسأل عدد كبير ) قوللهم هل أحد منكم حصل له مرض من القطاوة ؟؟ ( طبعًا من غير الي عندهم حساسية ) و قول للوالد انك مابتخليها تطلع برا بتكون بيتية نظيفة تاكل من البيت مو من الزبايل و تنظف نفسها بعد الحمام ، و انت تروشها أسبوعيًا ، و تطعمها شهريًا ضد الأمراض يعني وقاية مب صاحية يعني ان شالله قمة الامان :) الا لو في احد عنده حساسية في البيت فـ يصير معاهم حق :) |
رد: رفض الاهل في تربية القطط بالمنزل << الاسباب و الحلول ..مجربة و مضمونه
شكرا ع الموضوع ويعطيك العافية |
رد: رفض الاهل في تربية القطط بالمنزل << الاسباب و الحلول ..مجربة و مضمونه
موضوع مفيد مع بعض الاخطاء
اقتباس:
وقص اي منهم راح يجعل القطه تقع كثيراً على الارض + تمنعها من القفز +++.....إلخ |
رد: رفض الاهل في تربية القطط بالمنزل << الاسباب و الحلول ..مجربة و مضمونه
ههـو صـدق فضلآت آلبسـه تجيب آلعقم ، =| ؟
آخخـآف آلمسـه وآنآ مَ آدري وآبلش ؟ < صصـآحت ، p; ع آلعمممـوم يعطيك آلف ععآفيـه ! تحيآتي ، :'$ يَ لييـتْ ! =( |
رد: رفض الاهل في تربية القطط بالمنزل << الاسباب و الحلول ..مجربة و مضمونه
موضوع نايس
|
| جميع الأوقات بتوقيت GMT +3. الساعة الآن 06:52 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو