منتديات تو زوو - طريقة تدريب الحمام الموضوع رقم 1

منتديات تو زوو (http://www.2zoo.com/vb/index.php)

- قسم هواة الحمام واليمام (http://www.2zoo.com/vb/forumdisplay.php?f=27)

- - طريقة تدريب الحمام الموضوع رقم 1 (http://www.2zoo.com/vb/showthread.php?t=294501)

طريقة تدريب الحمام الموضوع رقم 1

http://www.2zoo.org/uploads/13540455691.gif

السلام عليكم ورحمة الله وبركاته

اخوانى اعضاء وزوار منتدى تو زوو مثل ما وعدتكم من قبل بتنزيل موضوع لطريقة تدريب الحمام للحصول على افضل النتائج اليوم هو الموضوع رقم 1 بعنوان" كيف اكسب ثقة الحمام "

اولا احب اوضح شى اهم شى فى التدريب :
1: الصبر :ركز شوى الحمام بطبعة يخاف البشر مثل باقى الطيور يعنى لازم صبر
2:الطعام :الحمام عندك بيكون معتاد على اكل معين بياكله كل يوم ده ما فيه مشاكل بس فى بعض انواع الطعام بتشعر ان حمامك بينجذب اليه اكثر من اى نوع انا عندى الحمام بينجذب للفول ودى صورة له:
[IMG]http://www.2zoo.org/uploads/13540383941.jpg[/IMG]

اما بعد كل واحد لازم يلاحظ اكثر اكل ينجذب له حمامة ويكون ما بيقدمه له يوميا ده شرط رئيسى

الحين بنيجى للخطوات بالتفصيل :

1: بتضع الطعام العادى اللى بياكله الحمام يوميا ولكن بتضعه بكمية تكفى ليوم ونصف فقط او يوم وبتضع عليه كمية قليلة من الطعام المميز ما ادرى الكمية حسب عدد الازواج عندك

2: بتيجى اليوم اللى بعده بتبدء الشغل بق يا معلم ههههه امزح اقصد بتبدء اول علاقه بينك وبين الحمام اللى تبى تدربه وانا افضل التدريب الجماعى بيجيب نتيجة اسرع "طبعا بيكون الحمام جوعان من ليلة امس بعد ما تتركه يومين وتتاكد انه جوعان وبتحضر كمية من الطعام المميز عند حمامك وتضعه فى كف يدك وتجلس على الارض فى وضعية انت مستريح فيها وبتمد يدك وفيها الطعام وتتركها على الارض وما تتحرك كانك صنم فى البداية الحمام راح يتردد يقرب بس مع الجوع والطعام المفضل راح يجى لايدك وبيكون خايف جدا مثل ما فى الصورة التالية :
[IMG]http://www.2zoo.org/uploads/13540387711.jpg[/IMG]
بس انت عليك الصبر راح ييجى يخطف حبه ويمشى ولما تكون مجموعة من الحمام راح تشجع بعضها وتقترب اكثر ومع التكرار والصبر راح تجيب نتيجة وهى ان الحمام راح ياكل من ايدك وبيكون مرعوووووووووب مرة منك ومن يدك .
بس بعد 5 مرات من هذا النوع من التدريب راح تصير النتيجة مثل الصورة التالية:
[IMG]http://www.2zoo.org/uploads/13540389231.jpg[/IMG]
ذى ما انت تلاحظ طبعا هو بياكل وهو مو خايف منى خالص ومطمن لى وبكذا انتهت المرحلة الثانية .
عند الانتهاء من هذة المرحلة مثل ما قلت راح تكون كسبت ثقة الطائر بنسبه 15%
3: المرحلة دى بيكون الحمام اخد على انه ياكل من ايدك وطبعا تنفذ اللى قلناه فى المرحلة الاولى وهو تجويع الحمام بس مو تجويعه مرة ونيجى بق للجد وهو ازاى تخلى الحمام يصعد على ايدك اولا محتاج لشى يكون فى مستوى ايدك مثل اللى بالصورة او اى شى بالمستوى ده :
[IMG]http://www.2zoo.org/uploads/13540391121.jpg[/IMG]
ووتقوم بالاتى المرحلة دى اهم المراحل وتحضر بعض من الطعام المفضل له وبتضعه فى يدك وتنزل على الارض وتجعل الحمام ياكل منها القليل تذكر ياكل القليل ثم تصعد وتقف بجوار المكان المرتفع وتضع يدك اللتى بها الطعام عليه مفرودة راح يطير الحمام ويصعد على المكان المرتفع ويقف يراقبك من بعيد لفترة وبعدين هيبدء يقترب منك ببطء الى ان ياكل من يدك وهو فوق وكدة انت انجزت يا معلم بنشوف الصور وبعدين نكمل لاحظ الصور :
[IMG]http://www.2zoo.org/uploads/13540392751.jpg[/IMG]
بيقترب منك وبتنفذ كدة معه 7 مرات ممكن تنفذهم فى نفس اليوم بس تخلى بين كل مرة واخرى مدة ربع ساعة على الاقل وكدة نهاية المرحلة الثالثة.
بعد انتهائك من هذة المرحلة تكون كسبت ثقة الطائر بنسبه 30% ودى نسبه جميلة جدا

4: بنيجى بق لقلب التدريب واساسياته ازاى تخلى الطائر يطلع على ايدك بعد الانتهاء من المرحلة الاولى والثانية والثالثة بتيجى المرحلة المهمة دى ركز شوى فيها

طبعا بعد ما تنفذ المرحلة الاولى وتجويع الحمام قليلا بتيجى تجلس على الارض وتخلى الحمام ياكل القليل من ايدك وبعدين تطلع على المنطقة المرتفعه وبييجى وراك وبيبدء ياكل بيكون اطمن لايدك وبياكل منها وهو مش خايف طبعا بتيجى انت يا باشا تبعد ايدك مسافة بسيطة بعيد عن المنطقة المرتفعة دى زى الصورة التالية :
[IMG]http://www.2zoo.org/uploads/13540395581.jpg[/IMG]

تبعدها عن المنطقة المرتفعة بحيث انها مش تكون مسافة كبيرة وفى نفس الوقت الحمام ميتمكنش من انه ياكل وهو واقف على المنطقة المرتفعة لانه هيحاول كتير بس انت ما تسمحله
الحمام راح يتردد كتير بس مع الجوع وحب هذا النوع من الطعام راح يقفذ على ايدك ويقف عليك حاول تثبت ايدك جامد فى البداية ممكن يقع من عليها مو مشكله حاول مرة اخرى وكمان ممكن ينط ويروح يطير علطول ما يقف ما تيأسش هو هيحاول اكتر منك انت كل اللى عليك الثبات والصبر
وبعد ما يقفز على يدك بتتركه ياكل نصف الكمية او قليل منها ثم تحاول ان تنزله بدون ان تلمسه هذا التمرين كرره مثل ما تقدر لو تقدر 100 مرة باليوم مش فى مشكال لانه هو الاساس لحد الطائر ما يتطمن لايدك ويقف عليها بعيد عن السور وحاول تخليه يقف على ايدك اطول مدة ممكنه عن طريق الاكل وبكدة هو وقف على ايدك يا معلم :88:
بعد نهاية هذة المرحلة انت كدة كسبت 50 % من ثقة الطائر بيك ودول اصعب التمارين واطولهم وقتا والباقى بيكون سهل انشاء الله

واتمنى ان يكون الموضوع قد نال اعجابكم وحاذ على رضاكم واتمنى ان تعفو عنى ان كنت قد اخطئت فى بعض الكلمات
واى استفسار انا تحت امركم على الخاص او على التعليقات انا هتابع الموضوع
وسامحونى لو كانت الصور مش واضحة بس عشان تصوير جوال

والموضوع من كتابتى وترتيبى وده حمامى اللى بالصور ووده انا وغير مسموح بنقل الموضوع الا مع ذكر المصدر والمنتدى
والى اللقاء فى مواضيع تدريب الحمام "جارى الحصول على الصور والترتيبات لباقى المواضيع"

والسلام عليكم ورحمة الله وبركاته