منتديات تو زوو - الاجرات التي تقوم بها عند ولادة قطتك

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - الاجرات التي تقوم بها عند ولادة قطتك (http://www.2zoo.com/vb/showthread.php?t=14257)

الاجرات التي تقوم بها عند ولادة قطتك

الاجرات التي تتقيد بها عند ولادة قطتك حسب خبرتي:-
1.تكون حاسبلها من يوم ماتنتهي تزاوج
2.تقريبا حمل القطه يتراوح بين58يوم--60يوم
3.عند اخر اسبوع قبل الولاده تقص شعر قطتك اذا كانت كثيفة الشعر من عند الموخره وحول صدرها (من المؤخره حتي لا تعيق خروج البيبي عند الولاده & حول جميع صدرها حتي يسهل للرضيع الرضاعه اول مايخرج لانه مغطي بالسوائل فيعيق الشعر حركته) ولا تخافون ماتخلص شهرين الرضاعه الاوهو طالع الشعر وطول الاسبوع الاخير تجنب تاكلها الاكل الجاف فقط الرطب حتي يسهل عليها الولاده لان الجاف يجبلها امساك اعزكم الله
4.تطفئة التكييف عندها من بدري قبل لا تولد
5.تجهيز كرتونه او حوض كبير حتي تولد داخله مع الحذر بوضع كيس نايلون في القاع ثم بعض من الفوط (مناشف) لتمتص المياه كرمكم الله وانا افضل كرتونه عشان تترمي علي طول.
6.ملاحظتها جيدا في الاونه الاخيره حتي لا تولد بدري وتتوهقون لاني مره غبت عن قطوتي لقيتها ولدت اول واحد بره الكرتونه ودخلت بعدين كملت ولادتها داخله. لانها هي بطبعها تدور مكان تنخش فيه عشان كذا احطلها كرتونه وافتح لها فتحه صغيره عشان لا خلصت ولاده ارمي الكرتونه وانقلها هي وعيالها في الحوض واغطيهم بمنشفه ووقت ولادتها هي بطبعها تدخل الكرتونه بس من بدري حطوه عشان تتعود عليه وماتدورلها خشه ثانيه واذا عندك كذا قطوه افصلوها لحالها عشان لاتخاف وتولد براحتها.
6.وقت الولاده لازم تكون عندها وتلبس قلفزات في ايدك وتستعد عشان اذا احتجت تسوي عمليات انقاذ<<خخخخ 911
مساعدتها باطعامها بين فتره والثانيه (عشان لا تاكل حد من عيالها لانها تتعب مره بس قطاوي عمرهم مااكلوا حد من عيالهم) واذا خرج الطفل وعليه الكيس الرقيق اول شي تسويه مزق الكيس بيدك من جهة انفه حتي يتنفس وهو سبحان الله اول مايطلع جزء من جسمه يبدا يتنفس عشان كذا اول ماتشوف تطلع رجوله من الخلف مو من راسه اتحفز للانقاذ واذا خرج برئته مياه يعني شفط مويه حاول تشيله وتمسكه بالمقلوب مو مره تميل راسه علي تحت شوي وتحطه بين راحتك ايدينك وتضع طرف المنشفه في فمه عشان تخرج او تضعه بين راحتين يديك يعني راسه عند اصابيعك ورجوله جهة ساعدك وتنفضه بشووووووووووووووووووووويش قلت بالراحه يعني نفضه بسيطه وبشويش بالاصح ارفع كفك وارخيه بشويش مع ثبات الساعد واذا كنت جريئ (زيييي انا) تسويله تنفس اصطناعي بس بشويش لانه مررره صغير وتمالك نفسك مو زي انا اشتغل واصيييح<<حساسه
7.تخلي الام تاكل المشيمه براحتها وماتشيلها عنها ولا تقصها الا اذا كانت الحاله طارئه
8.حاول تخلي الطفل يرضع علي طول لانه يكون محتاج للحليب
9.بعد ماتنتهي من الولاده وتنظف عيالها شيلهم هم وامهم وحطهم في الحوض(كروانه كبيره) ووضح فوطه(منشفه) في القاع وتغطيتها بمنشفه كبيره وترك جزء مفتوح عشان تطلع امهم تاكل وتقضي حاجتها وترجعلهم وحتي تطمئن وترتاح 10.في صباح اليوم التالي وديها للبيطري للاطمئنان عليهم وعلي صحتهم وحتي يعطي الام حقنة اكسيتوسين<<كيميائيه خخخخخ
حتي تتخلص من باقي فضلات الولاده ومن مميزات هذه الحقنه تزيد من كمية الحليب بزياده ماشاء الله تبارك الله واذا الطفل شرقان (شارب مويه من امه) يحطله قطره تساعد علي ازالة المياه والقدره علي التنفس
11.حاول اول اسبوع تكون دائما عندها عشان اذا احتاجت شي او كل شوي طل عليها
12. حاول ان تكون امهم دائما عندهم عشان لا يبردون لازم يكونو دافين دائما
13. طالع دائما في كرشهم (بطنهم) اذا كان منفوخ (الاطفال) اعرف انه شعبان اما اذا كان مو منتفخ اعرف انه جوعان وحاول ترضعه بنفسك بان تحاول عصر ثدي الام ووضع فم الطفل عنده بس نقطتين مو تقطع صدرها واذا حاولت ولم يرضع بشتي الطرق تروح للطريقه الثانيه وهي الرضاعه الصناعيه بحليب بودره تبع القطط الكتن=الصغيره الرضيعه وليست الادلت=البالغين + رضاعه للقطط.

"اتمني اني الميت بكل شي واذا افتكرت شي راح اذكره واي حد عنده معلومات اخري يتفضل وسامحوني للتطويل"